ბიძინა ივანიშვილს შერჩა 70 - მილიონიანი დავალიანების მქონე კომპანია ლოგოთი, ხოლო „რუსთავი 2“ - ის თანამშრომლები სამუშაოდ სხვა ტელევიზიაში წავიდნენ, - ამის შესახებ „ინტერპრესნიუსს“ „ევროპული საქართველოს“ წევრმა ოთარ კახიძემ განუცხადა. მისი შეფასებით, ივანიშვილმა ვერ შეძლო „რუსთავი 2“-ის ჟურნალისტების მოსყიდვა და ვერც „ტვ პირველის“ გუნდისა და დამფუძნებლების მოსყიდვას შეძლებს.

„ბიძინა ივანიშვილს შერჩა 70 მილიონიანი დავალიანების მქონე კომპანია ლოგოთი, ხოლო „რუსთავი 2“ - ის თანამშრომლები სამუშაოდ სხვა ტელევიზიაში წავიდნენ. ამდენად, ბიძინა ივანიშვილმა „რუსთავი 2“ - თან დაკავშირებითაც ვერ მიაღწია თავის მიზანს, ვინაიდან ვერ შენიღბა მცდელობა, ვერ შენიღბა საკუთარი თავი და საზოგადოებამ კარგად დაინახა, რომ ის იდგა ამ ყველაფრის უკან. ახლაც ძალიან უხეშად მოქმედებს. გამორიცხულია, რომ ასეთი ქმედებები რაიმე შედეგის მომტანი იყოს. ის ვერ დააშინებს ქართულ საზოგადოებას. მან ვერ მოისყიდა „რუსთავი 2“ - ის გუნდი, ვერ დააშინებს და ვერ მოისყიდის „ტვ პირველის“ გუნდს და ვერც მის დამფუძნებლებს. საბოლოო ჯამში, თავისთვისვე ცუდად დაამთავრებს ამგვარი ნაბიჯების გამო“, - განაცხადა კახიძემ.