გენერალური პროკურორი პასუხისმგებელია ყველა იმ აბსურდულ ბრალზე, რომელიც წაგვიყენეს, - ამის შესახებ „თიბისი ბანკის“ ერთ-ერთმა დამფუძნებელმა ბადრი ჯაფარიძემ ჟურნალისტებთან პროკუტურიდან გამოსვლის შედმეგ განუცხადა.
ბადრი ჯაფარიძის თქმით, ყველაფერი გენერალური პროკურორის, შალვა თადუმაძის „ხელდასმით ხდება“ და ამ პასუხისმგებლობას ის ვერ გაექცევა.
„უნდა გითხრათ, რომ გენერალური პროკურორი, რომელიც პირდაპირ პასუხისმგებელია ამ ბრალის ჩვენდამი წაყენებაში, დღეს მიისწრაფის უზენაესი სასამართლოს თავმჯდომარეობისკენ, ის არის პასუხისმგებელი ყველა იმ აბსურდული ბრალის, რომელიც ჩვენ წაგვიყენეს. მისი ხელდასმით ხდება ეს და ამ პასუხისმგებლობას ის ვერ გაექცევა. აქედან გამომდინარე, ამის შემდეგ, რომ უნდა სასამართლოს თავმჯდომარე გახდეს, სადაც ჩვენ სამართალი უნდა ვნახოთ, ნათელია, თუ რა აბსურდთან გვაქვს საქმე“,-აცხადებს ჯაფარიძე.
მამუკა ხაზარაძე და ბადრი ჯაფარიძე გენერალურ პროკურატურაში მათთვის წარდგენილი ბრალდების დაზუსტების მიზნით დაიბარეს.