ბრაზილიის არმია ამაზონის ტროპიკული ტყეების დასაცავად მზადაა, - ამის შესახებ ბრაზილიის შეიარაღებული ძალების მეთაურმა ედსონ ლიალ ფუჟოლმა განაცხადა.
„მათ საყურადღებოდ ვინც წინდაუხედავ განცხადებებს აკეთებს ბრაზილიის ამაზონის ტროპიკული ტყეების დაცვასთან დაკავშირებით: ნუ დაუშვებთ შეცდომას, ჩვენი ჯარისკაცები მუდამ ფხიზლად და ყურადღებით არიან. ისინი მზად არიან დაიცვან ამაზონის ტროპიკული ტყეები და აიცილონ ნებისმიერი საფრთხე“, - აღნიშნა ფუჟოლმა.
ბრაზილიის პრეზიდენტმა ჟაირ ბოლსონარომ გუშინ განაცხადა, რომ ტროპიკულ ტყეებში მძვინვარე მასშტაბური ხანძრის ჩასაქრობად ქვეყანას რესურსი არ ყოფნის. თუმცა, საფრანგეთის პრეზიდენტ იმანუელ მაკრონისა და გაეროს გენერალური მდივნის ანტონიო გუტერეშის მიერ ხანძართან დაკავშირებით გაკეთებული კომენტარების შემდეგ ბოლსონარუმ ტონი შეიცვალა და განაცხადა, რომ ხანძარს საკუთარი ძალით გაუმკლავდებიან. მან დანარჩენ მსოფლიოს მოუწოდა, ბრაზილიის შიდა საქმეებში ჩარევისგან თავი შეიკავონ.