ბრაზილიის ხელისუფლება ამაზონის ტყეებში ხანძრის გამო ელჩებს შვებულების გადადებისკენ მოუწოდებს

ბრაზილიის საგარეო საქმეთა მინისტრმა ევროპისა და „დიდი შვიდიანის“ სხვა ელჩებს დაავალა, რომ უახლოესი 2 კვირის განმავლობაში შვებულება არ აიღონ, - ამის შესახებ ინფორმაციას „როიტერსი“ ავრცელებს.

როგორც სააგენტოს სანდო წყარომ განუცხადა, ქვეყნის გადაწყვეტილება ამაზონის ტროპიკულ ტყეებში გაჩენილი ხანძრის გამო გამოწვეულ გლობალურ შეშფოთებას უკავშირდება, რასაც ელჩებმა დიპლომატიური პასუხი უნდა გასცენ.

საელჩოებს უკვე დაევალათ, სოციალური მედიის გვერდებზე განათავსონ ინფორმაცია იმის შესახებ, რომ ხანძრები ამაზონის ტყეებში ყოველწლიურად ხდება და რომ წლევანდელი ხანძრები კონტროლს ექვემდებარება.

განკარგულება ბრაზილიის საგარეო საქმეთა მინისტრმა ერნესტო არაიუჟომ ქვეყნის პრეზიდენტ ჟაირ ბოლსონარუსთან გამართული საგანგებო შეხვედრის შემდეგ გასცა.

აღსანიშნავია, რომ ის ელჩები, რომლებიც შვებულებაში უკვე იმყოფებიან, სამსახურში გამოიძახეს.

ამაზონის ტროპიკულ ტყეებში მძვინვარე ხანძარს რამდენიმე დღის წინ საფრანგეთის პრეზიდენტმა ემანუელ მაკრონმა „საერთაშორისო კრიზისი“ უწოდა და ბრაზილიის პრეზიდენტი კლიმატის ცვლილებების წინააღმდეგ უმოქმედებაში დაადანაშაულა.

ამაზონის ტყის ხანძარი საფრანგეთში გამართული „დიდი შვიდიანის“ სამიტის ერთ-ერთი ძირითადი განსახილველი თემა იყო. „დიდი შვიდიანის“ ლიდერები ამაზონის ხანძრის წინააღმდეგ საბრძოლველად 22 მილიონი აშშ დოლარის გამოყოფაზე შეთანხმდნენ.

იხილეთ ვიდეო: ბრაზილიის ხელისუფლება ამაზონის ტყეებში ხანძრის გამო ელჩებს შვებულების გადადებისკენ მოუწოდებს

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს