მოსკოვში ვლადიმერ პუტინისა და რეჯეფ თაიფ ერდოღანის შეხვედრა გაიმართება

რუსეთის პრეზიდენტ ვლადიმერ პუტინსა და თურქეთის პრეზიდენტ რეჯეფ თაიფ ერდოღანს შორის დღეს, მოსკოვში შეხვედრა გაიმართება.

რადიო „თავისუფლების“ ინფორმაციით, ლიდერები შეხვედრაზე სირიის ჩრდილოდასავლეთ იდლიბის პროვინციაში არსებულ სიტუაციას განიხილავენ.

„შეხვედრა არსებული გართულებული სიტუაციის განსახილველად გაიმართება,“ - განაცხადა კრემლის პრესსპიკერმა დიმიტრი პესკოვმა.

მისივე ინფორმაციით, პუტინი და ერდოღანი უკრაინის კრიზისსა და მოსკოვი-ანკარას ურთიერთობებსაც განიხილავენ.

აღსანიშნავია, რომ სირიის ხელისუფლებისა და მისი მოკავშირე რუსეთის მიერ იდლიბში განხორციელებული ანტიტერორისტული ოპერაციების შედეგად აპრილიდან დღემდე ასობით ადამიანი დაიღუპა, ათობით ათასობით სირიელმა კი თურქეთს შეაფარა თავი.

თურქეთი, რომელსაც უკვე 3,6 მილიონზე მეტი სირიელი დევნილი ჰყავს, აცხადებს, რომ ეს თავდასხმა ჰუმანიტარულ კრიზისს იწვევს და თურქეთის ეროვნულ უსაფრთხოებას საფრთხეს უქმნის.

გუშინ გამართულ პრესკონფერენციაზე პესკოვმა ჟურნალისტებს განუცხადა, რომ პუტინს ერდოღანის მწუხარება ესმის, მაგრამ ის ზუსტად ასევეა შეწუხებული „ტერორისტული ელემენტების“ მიერ განხორციელებული თავდასხმების გამო, რომლებიც უნდა განადგურდნენ.

იხილეთ ვიდეო: პუტინი და ერდოღანი დღეს მოსკოვში ერთმანეთს შეხვდებიან

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი
„ნიკორამ“ StopCOV ფონდის მხარდასაჭერად 100 000 ლარი გადარიცხა