საქართველოს ეროვნული პლატფორმის წევრი ორგანიზაციები საერთაშორისო ორგანიზაციებს მოუწოდებენ, მკაფიოდ გამოხატონ რუსეთის პროვოკაციული და აგრესიული მოქმედებების მიმართ დამოკიდებულება

საქართველოს ხელისუფლება ვალდებულია გააძლიეროს ზრუნვა თავისი მოქალაქეების უსაფრთხოებაზე, რაც გულისხმობს დამატებითი საპოლიციო საგუშაგოს ფუნქციობას, ამავდროულად, არ აჰყვეს კრემლის პროვოკაციებს, - ამის შესახებ საქართველოს ეროვნული პლატფორმის წევრი ორგანიზაციების მიერ გავრცელებულ განცხადებაშია ნათქვამი.

ამასთან, საქართველოს ეროვნული პლატფორმის წევრი ორგანიზაციები საერთაშორისო ორგანიზაციებს მოუწოდებენ, მკაფიოდ გამოხატონ რუსეთის პროვოკაციული და აგრესიული მოქმედებების მიმართ მათი დამოკიდებულება.

„რუსეთის ფედერაცია აგრძელებს დესტრუქციულ, პროვოკაციულ მოქმედებებს საქართველოს ოკუპირებულ ტერიტორიებზე. საოკუპაციო ძალებმა მოახდინეს სამხედრო ტექნიკისა და პერსონალის მობილიზება საოკუპაციო ხაზთან, საქართველოს ხელისუფლების მიერ კონტროლირებად ტერიტორიაზე მდებარე სოფელ ჩორჩანას სიახლოვეს.

მათი წარმომადგენლები ძალის დემონსტრირებით, ულტიმატუმის ფორმით მოითხოვენ საქართველოს პოლიციის მიერ გახსნილი საპოლიციო საგუშაგოს გაუქმებას. რაც, აღმაშფოთებელია და იწვევს ჩვენ მძაფრ პროტესტს. ბოლო დროს აშკარად გახშირებულია რუსეთის საოკუპაციო, ან მათი კონტროლის ქვეშ მყოფი ძალების მიერ განხორციელებული უკანონო მოქმედებები. გამყოფი ხაზის "ბორდერიზაცია", მავთულხლართები პირდაპირ, ცინიკურად ადამიანების ბაღებზე, ეზოებზე და სახლებზე გადის, სახეზეა ადამიანების გატაცებების ფაქტები, სადისტური მკვლელობები.

ამ ვითარებაში საქართველოს ხელისუფლება ვალდებულია გააძლიეროს ზრუნვა თავისი მოქალაქეების უსაფრთხოებაზე, რაც გულისხმობს დამატებითი საპოლიციო საგუშაგოს ფუნქციობას, ამავდროულად არ აჰყვეს კრემლის პროვოკაციებს, გაზარდოს ძალისხმევა ქვეყანაში მშვიდობასა და სტაბილურობის შენარჩუნებაზე“, - ნათქვამია განცხადებაში.

ხელმომწერი ორგანიზაციები არიან: ლიბერალური აკადემია თბილისი; ჟურნალისტიკის რესურს ცენტრი; ასოციაცია „ევროპული კვლევები საქართველოს ინოვაციური განვითარებისთვის“; ასოციაცია ,,დეა"; საქართველოს საერთაშორისო განვითარების სააგენტო; ენერგოეფექტურობის ცენტრი საქართველო; პრესის ასოციაცია; ფონდი ”სამოქალაქო განათლების განვითარების მულტიეთნიკური რესურსცენტრი“; „სკოლა-ოჯახი-საზოგადოება“; „ახალი თაობა დემოკრატიული საქართველოსათვის“.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს