მდინარე რიცეულაში 10 000 ცალი ნაკადულის კალმახის ლიფსიტა გაუშვეს
გარემოს დაცვისა და სოფლის მეურნეობის სამინისტროს ველური ბუნების სააგენტომ „საქართველოს წითელი ნუსხის“ სახეობის ნაკადულის კალმახის 10 000 ცალი ლიფსიტა მდინარე რიცეულასა და ხედეთურის სათავეში გაუშვა.
როგორც „ინტერპრესნიუსს“ გარემოს დაცვისა და სოფლის მეურნეობის სამინისტროდან აცნობეს, ნაკადულის კალმახის დაცვის მიზნით გარემოსდაცვითი ზედამხედველობის დეპარტამენტმა ფოტო და ვიდეო ხაფანგები დაამონტაჟა.
უწყების ცნობით, ველური ბუნების სააგენტოსა და საქართველოს საერთაშორისო ენერგეტიკული კორპორაციის ერთობლივი პროექტი მიზნად მდინარე რიცეულას ხეობაში ნაკადულის კალმახის აღდგენას ისახავს.
