ავღანეთში რადიკალური მოძრაობა „თალიბანის“ 45 მებრძოლი ავიადარტყმით გაანადგურეს. მათ შორის იყო პროვინცია ბაგლანის „ჩრდილოვანი გუბერნატორი“ მოლა ობაიდულა, რომელიც ამ პროვინციაში „თალიბანის“ მიერ იყო „დანიშნული“.

ავღანეთში „თალიბანი“ სოფლების მნიშვნელოვან ნაწილს აკონტროლებს. მოლაპარაკებები ამ რადიკალურ მოძრაობასა და ოფიციალურ ხელისუფლებას შორის ცეცხლის შეწყვეტისა და ძალაუფლების განაწილების თაობაზე რეალურად ჯერ არ მიმდინარეობს.

ამ ინფორმაციას ავღანეთის თავდაცვის სამინისტროზე დაყრდნობით „რია ნოვოსტი“ ავრცელებს.