მაია ცქიტიშვილი - წყალმომარაგება კვლავ ჩვენს ერთ-ერთ მთავარ გამოწვევად და შესაბამისად, პრიორიტეტად რჩება

„წყალმომარაგება კვლავ რჩება ჩვენს ერთ-ერთ მთავარ გამოწვევად და შესაბამისად, პრიორიტეტად,“ - ამის შესახებ რეგიონული განვითარებისა და ინფრასტრუქტურის მინისტრობის კანდიდატმა მაია ცქიტიშვილმა პარლამენტში ხუთი კომიტეტის გაერთიანებულ სხდომაზე პროგრამის წარდგენისას განაცხადა.

მისი თქმით, ამ მხრივ არსებობს განსაკუთრებულად პრობლემური რეგიონები, თუმცა ხარვეზები ფიქსირდება ასევე იქ, სადაც წყალმომარაგების ქსელია, რადგან მოსახლეობას წყალი გრაფიკით მიეწოდება.

„არაერთხელ აღმინიშნავს, რომ სამინისტროს ერთ-ერთ მთავარ გამოწვევად რჩება ქვეყნის წყალმომარაგება. გვაქვს განსაკუთრებულად პრობლემური რეგიონები, რომელთა ძალიან მცირე ნაწილს აქვს წყალმომარაგება. თუმცა, იქაც კი, სადაც მოწყობილია ქსელი, წყალი მოსახლეობას ხშირად მოეწოდება გრაფიკით, ხოლო წყლის ხარისხი არ შეესაბამება სასმელი წყლის სტანდარტს“, - განაცხადა მაია ცქიტიშვილმა.

როგორც მან აღნიშნა, პრობლემა ათეული წლის განმავლობაში გროვდებოდა, რომელთა მოგვარებაზეც სათანადო ფინანსური რესურსი არ იხარჯებოდა.

,,კიდევ უფრო მწვავედ დგას წყალმომარგების საკითხი მცირე დასახლებებსა და სოფლებში. 2019 წელს გაერთიანებული წყალმომარაგების კომპანიამ დაიწყო პროექტების განხორციელება ასეთ სოფლებში. ვგეგმავთ ადგილობრივი თვითმართველობების ფინანსური და პროფესიული შესაძლებლობების გაზრდას, რათა მათ ადგილზე დამოუკიდებლად შეძლონ სისტემების გამართვა და ტექნიკური მხარდაჭერა,“ - აღნიშნა მაია ცქიტიშვილმა.

მისი განცხადებით, საერთაშორისო დონორ ორგანიზაციებთან ერთად, წყლის ინფრასტრუქტურის პოლიტიკა და რეგიონებში წყლის ინფრასტრუქტურის მართვის საპილოტე მოდელი მუშავდება.

,,მართვის ნაწილში ვხედავთ „გაერთიანებული წყალმომარაგების კომპანიის“ რესტრუქტურიზაციისა და საერთაშორისო ინვესტორების ან მმართველი კომპანიის შემოყვანის აუცილებლობასაც, რაზეც აქტიურად ვმუშაობთ აზიის განვითარების ბანკთან ერთად,“ -განაცხადა მაია ცქიტიშვილმა.

მისი ინფორმაციით, არსებული მდგომარეობის გათვალისწინებით, 2019 წელს „გაერთიანებული წყალმომარაგების კომპანიის“ ბიუჯეტი 31 პროცენტით გაიზარდა. კომპანიის დაფინანსება გაიზრდება მომავალ წელსაც, ასევე მიმდინარეობს მუშაობა დონორებთან ახალი პროექტების დაფინანსებისთვის.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო