მსოფლიოში არავის გაუგია, რომ არასამთავრობო ორგანიზაციები ასე რიგად და ასე დამუხტულები უტევდნენ ხელისუფლებას, ასეთი რამ გამორიცხულია, ასეთი რამ არ არსებობს, ამის მიზეზი პოლიტიკური პლატფორმიდან დამუხტვაა - ამ განცხადებით შეაფასა საპარლამენტო უმრავლესობის ლიდერმა გია ვოლსკიმ არასამთავრობო სექტორის ერთობლივი მოწოდება პარლამენტისადმი, რომ მხარი არ დაუჭირონ მინისტრთა კაბინეტის ახალ შემადგენლობას.

"საზოგადოება არსებობს ორ ნაწილად გაყოფილი, საბედნიეროდ ტოლ ნაწილად არა. საზოგადოების ძალიან ბევრი წარმომადგენელი გამოვა და გამოხატავს თავის ოპოზიციურ დამოკიდებულებას მთავრობის მიმართ. ამაში გასაკვირი არ ყოფილა. თუმცა არასდროს, არსად მსოფლიოში, არავის გაუგია, რომ არასამთავრობო ორგანიზაციები ასე რიგად და ასე დამუხტულები უტევდნენ ხელისუფლებას, ასეთი რამ გამორიცხულია, ასეთი რამ არ არსებობს. ამის მიზეზი პოლიტიკური პლატფორმიდან დამუხტვა არის", - განაცხადა გია ვოლსკიმ.