არჩილ თალაკვაძე - საქართველო არის სტრატეგიულ მზადყოფნაში, რომ გაწევრიანდეს ნატო-ში

საქართველო არის სტრატეგიულ მზადყოფნაში, რომ გაწევრიანდეს ნატო-ში, - ამის შესახებ პარლამენტის თავმჯდომარე არჩილ თალაკვაძემ ნატო-ს საპარლამენტო ასამბლეის პრეზიდენტთან, მედლინ მუნთან შეხვედრის შემდეგ განაცხადა.

მისი თქმით, ვიზიტი კიდევ ერთხელ ადასტურებს, რაოდენ მაღალი მხარდაჭერა აქვს ჩვენს ქვეყანას ნატო-ში გაწევრიანების გზაზე, ასევე, რაოდენ მაღალი მხარდაჭერა აქვს იმ რეფორმებს, რომელსაც ქვეყანა ახორციელებს ნატო-ს სტანდარტების შესაბამისად.

„ჩვენ მივესალმებით ამ თანამშრომლობის გაღრმავებას. საპარლამენტო განზომილება, რომელიც საქართველოს პარლამენტსა და ნატო-ს საპარლამენტო ასამბლეას შორის არსებობს, დარჩება მომავალშიც ძალიან ძლიერი. საქართველო არის სტრატეგიულ მზადყოფნაში, რომ გაწევრიანდეს ნატო-ში. ჩვენ გვეამაყება, რომ ქართველი ჯარისკაცები ნატო-ს ჯარისკაცებთან ერთად მსოფლიოს ყველაზე რთულ ადგილებში იცავენ თავისუფლებას და ღირებულებებს, რომელიც ჩვენ გვაერთიანებს.

საქართველო აძლიერებს თავის დემოკრატიას. რეფორმები, რომელიც ახლა მიმდინარეობს, საარჩევნო სისტემის შეცვლის, მართლმსაჯულების და სასამართლო სისტემის რეფორმის, დემოკრატიული ინსტიტუტების გაძლიერების თვალსაზრისით, ეს არის პროცესი, რომელიც ადასტურებს, რომ ჩვენ ვაძლიერებთ დემოკრატიას.

საქართველო რჩება და მომავალშიც იქნება რეგიონში ნატო-ს და დასავლური ოჯახის ერთ-ერთი ყველაზე საიმედო მოკავშირე და პარტნიორი. ჩვენ ვუფრთხილდებით ჩვენს დემოკრატიულ მიღწევებს და უსაფრთხოებას, რომელიც საქართველოს რეგიონში აქვს“, - განაცხადა არჩილ თალაკვაძემ.

მან ნატო-ს საპარლამენტო ასამბლეის პრეზიდენტს თანამშრომლობისთვის მადლობა გადაუხადა და აღნიშნა, რომ საქართველო იმ საერთო ღირებულებების ერთგული რჩება, რომელიც ნატო-სთან აკავშირებს.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 26.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
გოჩა თევდორაძე - სიღარიბის და უმუშევრობის დაძლევისთვის ჩვენს მოსახლეობას საოჯახო ბიზნესს შევუქმნით (R)
მერაბ ჭიქაშვილი - "პატრიოტთა ალიანსი" ერთადერთი პარტიაა, რომელსაც კანონის აღსრულება შეუძლია!" (R)
საქართველოში პირველად ჰიბრიდული B2B ფორუმი ჩატარდა