ნატოს საპარლამენტო ასამბლეის პრეზიდენტისა და „ევროპული საქართველოს“ შეხვედრაზე ოკუპაცია, დევნილების დაბრუნება და ნატოში ინტეგრაციის საკითხები განიხილეს

ოკუპაცია, დევნილების დაბრუნება და ნატოში ინტეგრაცია,- ეს იყო ის ძირითადი თემები, რომელიც განიხილეს საპარლამენტო ოპოზიციისა და ნატო-ს საპარლამენტო ასამბლეის პრეზიდენტის მედლინ მუნის შეხვედრაზე. როგორც „ევროპული საქართველოს“ წარმომადგენელმა, გიორგი კანდელაკმა ჟურნალისტებთან აღნიშნა, მათი მიზანი ამ საკითხების საერთაშორისო დღის წესრიგში დაბრუნებაა.

„ევროპული საქართველოს“ მთავარი გზავნილი ასეთ შეხვედრებზე ყოველთვის არის ოკუპაციის, დევნილების დაბრუნების საკითხის აწევა საერთაშორისო დღის წესრიგში, რომელიც დღეს გამქრალია. მნიშვნელოვანია, სანქციების ნაწილში ჩვენი საკითხის მოხვედრა, რომ როცა გააფართოებენ სანქციებს, იქ იყოს საოკუპაციო ხაზის გადმოწევის, ოკუპირებულ ტერიტორიებზე ადამიანის უფლებების საკითხები და ოთხოზორია-ტატუნაშვილის შეტანა სანქციების პაკეტებში, რაზეც საქართველოს მთავრობა არ საუბრობს.

ამავე დროს, ჩვენ ვისაუბრეთ ნატოში გაწევრიანების საკითხზე და იმაზე, რომ ის, ვინც ამბობს, რომ თითქოს ნატოს სურს, საქართველო აიძულოს ხელი აიღოს ჩვენს ოკუპირებულ ტერიტორიებზე, არის რუსული პროპაგანდის გამტარებელი. "ქართული ოცნების" წევრები კი ორაზროვან განცხადებებს აკეთებენ, რომ მათ უნდათ მთლიანად შევიდეთ ნატოში, ესეიგი ნატოს უნდა ხელი ავიღოთ ოკუპირებულ ტერიტორიებზე? ამ განცხადებებით ისინიც ხელს უწყობენ რუსული პროპაგანდის გავრცელებას ჩვენი ქვეყნის წინააღმდეგ,", - განაცხადა გიორგი კანდელაკმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს