რომან გოცირიძე - არჩევნების შემდეგ „ქართულ ოცნებასთან“ კოალიციაში არ შესვლაზე მოწოდება ემსახურება არა ივანიშვილის ინტერესებს, არამედ მისი ერთმმართველობის დასრულებას

„ნაციონალური მოძრაობა“ არ იზიარებს მოსაზრებას, რომ „ევროპული საქართველოსა“ და „თავისუფალი დემოკრატების“ მიერ პროდასავლური ოპოზიციური პარტიებისთვის მოწოდება არჩევნების შემდეგ „ქართულ ოცნებასთან“ კოალიციაში არ შესვლასთან დაკავშირებით, „ქართული ოცნების“ თავმჯდომარე, ბიძინა ივანიშვილის ინტერესებს ემსახურება. ამის შესახებ „ინტერპრესნიუსს“ ფრაქცია „ნაციონალური მოძრაობის“ თავმჯდომარემ, რომან გოცირიძემ განუცხადა.

მისი თქმით, „ნაციონალური მოძრაობა“ „ევროპული საქართველოსა“ და „თავისუფალი დემოკრატების“ აღნიშნულ ინიციატივას მიესალმება და მიიჩნევს, რომ სწორედ ამ გზით დასრულდება „ივანიშვილის მმართველობა“.

„ასეთი მოსაზრება ჩვენს მიერ, ისევე ზოგიერთი სხვა პარტიის მხრიდან არაერთხელ იქნა გამოთქმული და ბუნებრივია, მივესალმებით, რომ „ევროპულმა საქართველომაც” გაიზიარა იგი. ასეთი ინიციატივა ემსახურება არა ივანიშვილის ინტერესებს, არამედ მისი ერთმმართველობის დასრულებას”, - განაცხადა რომან გოცირიძემ „ინტერპრესნიუსთან“.

შეგახსენებთ, რომ „ევროპული საქართველო“ და „თავისუფალი დემოკრატები“ პროდასავლურ ოპოზიციურ პარტიებს მოუწოდებენ არჩევნების შემდეგ „ქართულ ოცნებასთან“ კოალიციაში არ შევიდნენ.

როგორც დღეს გამართულ პრესკონფერენციაზე „ევროპული საქართველოს“ ერთ-ერთმა ლიდერმა, სერგი კაპანაძემ განაცხადა, „ძალა ერთობაშიას“ ერთ-ერთი ლიდერის, თაკო ჩარკვიანის პოზიცია, რომ „თითქოს ივანიშვილთან კოალიციის არშექმნაზე პირობის დადება ივანიშვილის ინტერესებს ემსახურება, ცილისწამებაა“.

როგორც მან აღნიშნა, ამასთან დაკავშირებით „ევროპული საქართველო“, „ნაციონალური მოძრაობის“ და კოალიციის სხვა ლიდერებისგან მოითხოვს მკაფიო პოზიციის დაფიქსირებას.

„ჩარკვიანი კოალიციის ერთ-ერთი სპიკერია, შესაბამისად, „ ევროპული საქართველო“ მოვითხოვთ, „ნაციონალური მოძრაობის“ და კოალიციის სხვა ლიდერებისგან მკაფიო პოზიციის დაფიქსირებას ამ ბინძურ ცილისწამებაზე. მათ უნდა დააფიქსირონ ემიჯნებიან და გმობენ ამ განცხადებას, თუ ეთანხმებიან მის პათოსს, ან თუნდაც დუმილს ირჩევენ ჩარკვიანის საქციელთან დაკავშირებით, რაც ამ შემთხვევაში ამ გზავნილთან თანხმობის ნიშანია“, - განაცხადა კაპანაძემ.

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს