პრემიერ-მინისტრი საერთაშორისო ექსპერტ მეგი ნიკოლსონს ადამიანის უფლებების დაცვის საკითხებზე ესაუბრა

საქართველოს პრემიერ-მინისტრი გიორგი გახარია დამოუკიდებელ საერთაშორისო ექსპერტს, მეგი ნიკოლსონს საქართველოს მთავრობის მიერ ადამიანის უფლებათა დაცვის სფეროში განსახორციელებელ ღონისძიებებზე ესაუბრა.

როგორც „ინტერპრესნიუსს“ მთავრობის ადმინისტრაციის პრესსამსახურიდან აცნობეს, პრემიერმა ხაზი გაუსვა ადამიანის უფლებათა დაცვის ეროვნული სტრატეგიის შესრულების პრიორიტეტულობას, ადამიანის უფლებათა სამდივნოს მაკოორდინირებელი ფუნქციის და ადამიანის უფლებათა დაცვის სფეროში მომუშავე ორგანიზაციებთან თანამშრომლობის მნიშვნელობას.