სერგი კაპანაძე - აშშ-ს საელჩოსთან „პატრიოტთა ალიანსის“  ე.წ აქცია  "ქართული ოცნების" მიერ არის წახალისებული

„პატრიოტთა ალიანსის“ ე.წ აქცია რეალურად "ქართული ოცნების" მიერ არის წახალისებული,-ასე აფასებს "ევროპული საქართველოს" წევრი სერგი კაპანაძე აშშ-ს საელჩოსთან "პატრიოტთა ალიანსის" მიერ დაგეგმილ აქციას.

კაპანაძის თქმით, საქართველოში რუსეთის გაძლიერების შემცირების ერთადერთი გამოსავალი ხელისუფლების ცვლილებაა. სერგი კაპანაძის განცხადებით, ამის მისაღწევად ქვეყანა მშვიდად უნდა მივიდეს პროპორციულ არჩევნებამდე და შემდეგ უკვე "ქართული ოცნება" და მისი სატელიტები უნდა დამარცხდნენ.

"ყველა აქცია, რომელსაც "პატრიოტთა ალიანსი" ატარებს, იქნება ეს ყრილობები, მარშები, თუ ასეთი ტიპის აქციები რეალურად არის "ქართული ოცნების" პარტაქტივის მიერ ჩატარებული. ანუ, მონაწილეობს "ქართული ოცნების" პარტაქტივი, არის მათი დაფინანსება, ასევე აქვს მათი პოლიტიკური მხარდაჭერაც. არავინ მოვიტყუოთ თავი, ეს არის "ქართული ოცნების" ყველაზე პრორუსული ფრთის მიერ ჩატარებული აქცია. მათი მიზანი არის, რომ დასავლური იდეა დაზიანდეს საქართველოში, მაგრამ ეს ყველაფერი არ გამოუვათ, განწირული არის წარუმატებლობისთვის, რაც კარგად აჩვენა 20 ივნისის მოვლენებმა. "პატრიოტთა ალიანსის" ასეთი გააქტიურება ბოლო პერიოდში არის გამოძახილი იმის, რომ 20 ივნისს ქართველმა ხალხმა ნათლად უთხრა პუტინს უარი, ეს მათ ყველაზე მეტად სტკივათ",-განაცხადა სერგი კაპანაძემ.

დიმიტრი შველიძე - ახლა პოლიტიკური ელიტა იდეებისაგან დაცლილია, ფულის ფაქტორი გადამწყვეტია, სოციალური პოლარიზაცია უძლეველია და კაცმა არ იცის, ელექტორატის უმრავლესობა ვის უჭერს მხარს
ქართული პრესის მიმოხილვა 22.09.2021
თენგიზ ფხალაძე - საშიშ ფაზაში ვიმყოფებით, მსოფლიოში მიმდინარე პროცესები ყურადღების მიღმა გვრჩება, ყველაფერს ვაკეთებთ სახელმწიფოს ჩამოსაშლელად, მოწინააღმდეგეს მხოლოდ ისღა რჩება, რომ ამ პროცესში ხელი არ შეგვიშალოს
„კასტელო მარე“ ზაფხულის წარმატებული სეზონის შემდეგ საშემოდგომო სეზონისთვის ემზადება
„უმალი“ გაყინული თევზის ბაზარზე შესვლას გეგმავს
დიდი ფასდაკლება შერჩეულ პროდუქციაზე - სექტემბრის ტოპ შეთავაზება „მიჰაუსისგან“
კომპანია “ლისი რეკრეაცია” ლისის ტბასთან დაკავშირებით ინფორმაციას ავრცელებს