საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარეს უფლებამოსილების ვადა ამოეწურა. როგორც ირინა მილორავამ ჟურნალისტებს განუცხადა, ის საქმიანობის გაგრძელებას კომისიაში აღარ გეგმავს.

მთავრობამ პრეზიდენტთან შეთანხმებით აღნიშნულ პოსტზე კანდიდატი უნდა წარადგინოს, რომელსაც შემდეგ საქართველოს პარლამენტი დაამტკიცებს.

გავრცელებული ინფორმაციით, სემეკ-ის თავმჯდომარედ თბილისის ყოფილი მერის დავით ნარმანიას კანდიდატურა განიხილება.

თავად ნარმანია ჟურნალისტებთან საუბრისას აცხადებდა, რომ იმ შემთხვევაში თუ მის კანდიდატურაზე გადაწყვეტილება იქნება მიღებული, ის მზად არის სემეკ-ის თავმჯდომარის პოსტი დაიკავოს.