კვლევის თანახმად, ვლადიმირ ზელენსკის გამოკითხული მოსახლეობის თითქმის 80% ენდობა
სოციოლოგიური სამსახურის - „რაზუმკოვის ცენტრის“ მიერ გამოქვეყნებული კვლევის შედეგების თანახმად, უკრაინის პრეზიდენტი მოსახლეობის 79%-ის ნდობით სარგებლობს. სხვა სახელმწიფო ინსტიტუტებიდან ყველაზე დიდი მხარდაჭერა შეიარაღებულ ძალებს აქვთ -74%, შემდეგ მოდის საგანგებო სიტუაციათა სამსახური, ეროვნული გვარდია, ეკლესია, სახელმწიფო სასაზღვრო სამსახური.
ამასთან, მთავრობას, უმაღლეს რადას, მედიას, საზოგადოებრივ ორგანიზაციებს და ეროვნულ პოლიციას მოქალაქეები შედარებით ნაკლებად ენდობიან - 57-დან 51%-მდე.
რესპონდენტთა უმრავლესობა რუსულ მედიას, სასამართლოს, კომერციულ ბანკებს პოლიტიკურ პარტიებს და პროკურატურას არ ენდობა.
ამ ინფორმაციას სააგენტო „უნიანი“ ავრცელებს.
