„ვისოლმა“ თვითმომსახურების პირველი ავტოგასამართი სადგური გახსნა

„ვისოლმა“ თვითმომსახურების პირველი ავტოგასამართი სადგური გახსნა. კომპანიის ინფორმაციით, „ვისოლი“ ცდილობს, საქართველოს ნავთობბაზარზე თვითმომსახურების ქცევა დანერგოს და მარშალ გელოვანის გამზირზე, პოლიციის სამმართველოსთან პირველი თვითმომსახურების სადგური გახსნა.

როგორც „ვისოლის“ გენერალურმა დირექტორმა, ვასილ ხორავამ განაცხადა, “ვისოლი“ მუდმივად ცდილობს, გაიმყაროს ბაზარზე ინოვატორული კომპანიის იმიჯი.

„მოხარული ვართ, რომ თვითმომსახურების სადგურების ქსელის განვითარების შესაძლებლობა პირველებს სწორედ ჩვენ მოგვეცა. ვეცდებით, თანმიდევრულად შევცვალოთ სამომხმარებლო ქცევა, რათა დავამკვიდროთ საქართველოში თვითმომსახურება, როგორც თანამედროვე ცხოვრების სტილი, რომელიც დიდი ხანია აპრობირებულია ამერიკასა და ევროპის უამრავ ქვეყანაში. გარდა ამისა, დადებითი მხარეა, რომ აქ მომხმარებელს ვთავაზობთ თითქმის 15 თეთრამდე ფასდაკლებით იმავე ტიპის პროდუქტებს, რასაც ვთავაზობთ ჩვენს სხვა ობიექტებზე. ჩვენი სურვილია, სამომავლოდ ამით მივიღოთ მეტი ლოიალური მომხმარებელი და მსგავსი ტიპის ინფრასქტუქტურა საქართველოში, „ვისოლის“ სხვადასხვა ავტოგასამართ სადგურზე განვავითაროთ“, - განაცხადა ხორავამ.

ავტოგასამართი სადგური ცნობილი კარიკატურისტისა და წარმატებული თანამედროვე მხატვრის, გიორგი გამეზარდაშვილის მიერ არის მოხატული.

„სიახლე კიდევ ის არის, რომ ეს ობიექტი გაცილებით ლამაზადაა მოხატული, არ არის „ვისოლის“ სტანდარტულ დიზაინში. ამაში დაგვეხმარა ჩვენი ახალგაზრდა მხატვარი, რომელმაც შეიძლება ითქვას, კიდევ უფრო მეტი ელფერი მისცა ავტოგასამართ სადგურს, რათა მომხმარებლებისთვის მიმზიდველი იყოს ამ სადგურზე შემოსვლა“, - განაცხადა ხორავამ.

თვითმომსახურების პირველი სადგურის საზეიმო გახსნაზე პარტნიორ „რადიო ენერჯისთან“ ერთად, „ვისოლმა“ უამრავ სტუმარს უმასპინძლა და განსხვავებული გარემო შეუქმნა: დაიდგა ბაიკერების და მოცეკვავეების ერთობლივი ექსტრემალური შოუ, რომელსაც აფორმებდა DJ Jimi-ს მუსიკა, ასევე, დამსწრეებს საშუალება მიეცათ, გაესინჯათ „სმარტის“ მიერ მომზადებული ქუჩის მენიუ და ექსკლუზიური იმპორტის Twisst- ის კოქტეილები. წარმოდგენილი იყო ასევე “ვიანორის“ უმაღლესი ხარისხის საავტომობილო ზეთების კასრების დეკორი, „დანქინის“ დონატები და ყავა დესერტად.

„ვისოლ პეტროლიუმ ჯორჯიას“ საკუთრებაში არსებული ავტოგასამართი სადგურების ყველაზე ფართო ქსელი აქვს საქართველოში. უახლესი ევროპული სტანდარტის, უმაღლესი ხარისხის საწვავითა და მაღალტექნოლოგიური სერვის პროდუქტების შეთავაზებით „ვისოლი“ საცალო ბაზრის ლიდერია. ვისოლს ასევე გაზგასამართი სადგურების ყველაზე მეტი ობიექტი აქვს ქვეყანაში და კომპანია „ი-სპეისთან“ თანამშრომლობით, ელექტრომობილების პოპულარიზაციისათვის ელექტრომობილების დამტენი სადგურების ქსელსაც ავითარებს.

(R)

ვაჟა ბერიძე - გაუგებარია საზოგადოების რა ნაწილს წარმოადგენს მმართველი ძალა და ვისთვისაა „ოცნების“ ხელისუფლებაში დარჩენა სისხლხორცეულად აუცილებელი
ქართული პრესის მიმოხილვა 19.10.2019
თენგიზ ფხალაძე - ვინც ანაკლიის პორტის მიზანშეწონილობას ეჭვქვეშ აყენებს, იქნებ იმაზეც დაფიქრდეს, რატომ აჩქარებს რუსეთი ტამანში საკუთარი პორტის მშენებლობას?
აჭარული სოფლები და მთები, როგორც ოთხივე სეზონის ტურისტული პროდუქტი
სილქნეტი მედიასივრცეში გავრცელებულ ბოლოდროინდელ ბრალდებას ეხმიანება სატელეკომუნიკაციო ბაზარზე ოლიგოპოლიასთან დაკავშირებით
„ლიბერთი ბანკის“ მხარდაჭერით, ახალი, ინოვაციური ონლაინ პლატფორმა - onoff.ge შეიქმნა
„ჯიპიაი ჰოლდინგი“ ყველა ავტომფლობელს სტიქიური რისკებისგან დაზღვევას უფინანსებს