თბილისში, ფეიქრების ქუჩაზე ავტოსაგზაო შემთხვევა მოხდა. ერთმანეთს 4 მსუბუქი ავტომანქანა შეეჯახა.

როგორც „ინტერპრესნიუსს“ შინაგან საქმეთა სამინისტროში განუცხადეს, ავარიის შედეგად სამი ადამიანი მსუბუქად დაშავდა.

გამოძიება მომხდართან დაკავშირებით, სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც ტრანსპორტის ექსპლუატაციის ან წესების დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.