თბილისის საქალაქო სასამართლოში ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით დაკავებული მიხეილ კალანდიას სასამართლო პროცესი მიმდინარეობს.
სასამართლო სხდომას ესწრება დავით სარალიძის მამა, ზაზა სარალიძეც. მას სხდომის დაწყებამდე ჟურნალისტებთან კომენტარი არ გაუკეთებია.
მიხეილ კალანდიას ბრალდების სისხლის სამართლის საქმეზე დღეს 5 მოწმე დაიკითხება, მათ შორის, არიან 51-ე სკოლის მოსწავლეები.
ცნობისთვის, მიხეილ კალანდია ხორავას ქუჩაზე დავით სარალიძის ჯგუფურად დამამძიმებელ გარემოებებში ჩადენილი მკვლელობის ბრალდებით სამართალდამცავებმა 2019 წლის 4 ივნისს დააკავეს. მას აღკვეთის ღონისძიების სახით პატიმრობა 6 ივნისს შეეფარდა.