სალომე ზურაბიშვილის გამოსვლა ვის მოეწონა და ვის - არა, გემოვნების საკითხი შეიძლება იყოს, - ასე აფასებს იურიდიულ საკითხთა კომიტეტის თავმჯდომარე ანრი ოხანაშვილი პრეზიდენტის სიტყვით გამოსვლას გაერო-ს გენერალურ ასამბლეაზე. ოხანაშვილის შეფასებით, სალომე ზურაბიშვილმა საკუთარ გამოსვლაში ყველა სტრატეგიულ საკითხზე ისაუბრა.
"ჩემი ინფორმაციით, პრეზიდენტმა ყველა იმ საკითხთან დაკავშირებით დააფიქსირა პოზიცია, რა მიმართებაშიც საქართველოს გამოწვევები აქვს. შეეხო ყველა იმ ძირითად სტრატეგიულ საკითხს, რომელიც ჩვენთვის, ჩვენი ქვეყნის ინტერესებისთვის,საზოგადოებისთვის,მოქალაქეებისთვის მნიშვნელოვანია. შეფასება, ვის მოეწონა და ვის - არა,უკვე გემოვნების საკითხი შეიძლება იყოს და ამაზე დავა, რა თქმა უნდა, შეიძლება", - განაცხადა ოხანაშვილმა.