რუსლან აბაშიძე - დროა, წერტილი დავუსვათ ქართველებსა და აფხაზებს შორის გაუცხოებას, უნდობლობას, საფრთხეების იგნორირებას და ვცადოთ საერთო ენის გამონახვა
27 სექტემბერი საქართველოს უახლესი ისტორიის ერთ-ერთი ყველაზე ტრაგიკული დღეა. დღეს ჩვენ პატივს მივაგებთ საქართველოს ტერიტორიული მთლიანობისთვის, ჩვენი სახლმწიფოებრიობის გადარჩენისთვის მებრძოლ და დაღუპულ გმირებს, - განაცხადა აფხაზეთის მთავრობის თავმჯდომარის მოვალეობის შემსრულებელმა რუსლან აბაშიძემ საქართველოს ტერიტორიული მთლიანობისთვის დაღუპულ გმირთა მემორიალთან.
მისივე თქმთ, დროა, წერტილი დავუსვათ ქართველებსა და აფხაზებს შორის გაუცხოებას, უნდობლობას, საფრთხეების იგნორირებას და ვცადოთ საერთო ენის გამონახვა.
„სტაბილური და პროგრესული ყოფის უზრუნველყოფა ერთობლივ მონდომებას საჭიროებს. დარწმუნებული ვარ, მშვიდობიანი დიალოგით ჩვენ შევძლებთ აღვადგინოთ ნდობა და გადავჭრათ ყველა საკითხი. დღეს ჩვენი მცდელობები მიმართულია, როგორც დეოკუპაციის და დევნილთა დაბრუნების მისაღწევად, ასევე აფხაზური იდენტობის და ენის გადაშენების თავიდან ასაცილებლად“, - განაცხადა რუსლან აბაშიძემ.
v-if="article.gallery" v-html="article.gallery"
