ეკა ბესელიას განცხადებით, პირადი ცხოვრების ამსახველი კადრების გავრცელებით მმართველი გუნდის 4 წევრს ემუქრებიან, საიდანაც ერთი მამაკაცია

დამოუკიდებელი დეპუტატის, ეკა ბესელიას ინფორმაციით, პირები, რომლებსაც პირადი ცხოვრების ამსახველი კადრების გავრცელებით ემუქრებიან, მმართველი გუნდის წევრები არიან.

როგორც ბესელიამ ჟურნალისტებს პროკურატურაში გასაუბრების შემდეგ განუცხადა, მას ოთხი კონკრეტული შემთხვევის შესახებ აქვს ინფორმაცია. ბესელიას განმარტებით, აღნიშნული ოთხი პირიდან ერთი მამაკაცია, თუმცა არ აკონკრეტებს, არის თუ არა რომელიმე მათგანი მინისტრი.

ამასთან, მისი თქმით, სახელების და გვარების დასახელების გარეშე გამოძიებას უამბო როგორც აღნიშნული ოთხი შემთხვევის შესახებ, ისე „დანაშაულებრივ კავშირზე, რომელიც სასამართლოს გარკვეულ გავლენიან ჯგუფსა და პარლამენტის წევრებს შორის არსებობს“.

„კონკრეტულად დავასახელე ზარდიაშვილი- მათიკაშვილი. მაქვს ეს ინფორმაციები და ეს კავშირები პირდაპირ მეტყველებს უკანონო, პირადი ინტერესებით მოქმედებაზე...

მე ვიცი ოთხი საკმაოდ სპეციფიური შემთხვევა. შეიძლება იყოს მეტი. მმართველ გუნდში არიან... რამდენიმემ პირადად მითხრა, რამდენიმე ადამიანის შესახებ პირადად შევიტყვე, როგორც პარლამენტის წევრმა“, - განაცხადა ბესელიამ და განმარტა, რომ არ აქვს ინფორმაცია, მმართველი გუნდის წევრების მსგავსად რამდენად ემუქრებიან ანალოგიური კადრების გავრცელებით ოპოზიციის წარმომადგენლებსაც.

რაც შეეხება შეკითხვას, უკავშირებს თუ არა მმართველი გუნდის ზოგიერთი წევრის მიმართ განხორციელებულ მუქარას უშუალოდ ვანო ზარდიაშვილს, რომლის მონაწილეობასაც ბესელია მისი პირადი ცხოვრების ამსახველი კადრების გავრცელებაში არ გამორიცხავს, დამოუკიდებელი დეპუტატის თქმით, მისი შემთხვევა სხვა იყო და „ეს არის სხვა შემთხვევა“.

კიდევ ერთ შეკითხვაზე კი, რომელიც შეეხებოდა იმას, იცის თუ არა ეკა ბესელიამ ადამიანთა კონკრეტული წრე, რომელიც მუქარას ახორციელებს, დეპუტატმა აღნიშნა, რომ ეს მისთვის ცნობილია, თუმცა საჯაროდ ვერ იტყვის.

„ჩემთვის ცნობილია და დაახლოებით გამოძიებასაც ვუთხარი, მაგრამ საჯაროდ ვერ ვიტყვი“, - აღნიშნა ბესელიამ.

შეგახსენებთ, ბესელიას გენერალურ პროკურატურაში დაბარება იმ განცხადების საფუძველზე მოხდა, რომელიც მან რამდენიმე დღის წინ გააკეთა. კერძოდ, დეპუტატმა განაცხადა, რომ პირადი ცხოვრების ამსახველი ფარული ჩანაწერებით ადამიანების შანტაჟი დღემდე მიმდინარეობს და ამის დამადასტურებელი კონკრეტული ფაქტები გააჩნია.

გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
ქართული პრესის მიმოხილვა 30.01.2023
ლაჩინის დერეფნის ბლოკადა
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს