ნინო ბურჯანაძე პარტიის წევრებთან ერთად სხვადასხვა უმაღლესი სასწავლებლის მეცნიერებს შეხვდა

„ერთიანი საქართველო-დემოკრატიული მოძრაობის“ ლიდერი ნინო ბურჯანაძე, პარტიის გენერალურ მდივან გიგლა ბარამიძესთან და პოლიტსაბჭოს წევრებთან ერთად, სხვადასხვა უმაღლესი სასწავლებლის მეცნიერებს შეხვდა. როგორც „ინტერპრესნიუსს“ „ერთიანი საქართველო-დემოკრატიული მოძრაობის“ პრესსამსახურიდან აცნობეს, საუბარი შეეხო უმაღლეს სასწავლებლებში მიმდინარე სამეცნიერო კვლევებს და ამ კვლევებში სტუდენტების ჩართულობის აუცილებლობას.

მათივე ცნობით, მოწვეულმა სტუმრებმა ყურადღება გაამახვილეს განათლების სისტემის ნაკლოვანებებსა და ამ კუთხით წარმოქმნილი პრობლემების აღმოფხვრის გზებზე, რაც აუცილებლად უნდა იყოს გათვალისწინებული საპროგრამო დოკუმენტში.

„ერთიანი საქართველო-დემოკრატიული მოძრაობის“ გენერალური მდივნის გიგლა ბარამიძის განცხადებით, მეცნიერებმა პარტიის ლიდერებთან ერთად, ასევე მიმოიხილეს დღევანდელი რთული პოლიტიკური ვითარება და პარტიას თავისი ხედვები გააცნეს, თუ როგორ უნდა გამოვიდეს ქვეყანა კრიზისიდან.

„ასეთი ტიპის მუშა შეხვედრები პერმანენტულ ხასიათს მიიღებს, ჩვენ შევხვდებით ყველა პროფილის ადამიანს, სადაც მოხდება გამოცდილების გაზიარება, თუნდაც კრიტიკული მოსაზრებების მოსმენა და გაანალიზება, რაც ხელს შეუწყობს ჯანსაღი საზოგადოებრივი აზრის მომზადებას მომავალი საპარლამენტო არჩევნებისთვის“, - აცხადებს გიგლა ბარამიძე.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს