ინდონეზიელმა ჟურნალისტმა ჰონგ-კონგში საპროტესტო აქციაზე ნასროლი რეზინის ტყვიის გამო მარჯვენა თვალში მხედველობა დაკარგა, - ამის შესახებ ინფორმაციას „ბიბისი“ ავრცელებს.

გამოცემის ინფორმაციით, ვები მეგა ინდა საპროტესტო აქციას ჩინეთის მიერ კონტროლირებადი ტერიტორიიდან აშუქებდა, როცა მას დამცავ სათვალეში სამართალდამცავების მიერ ნასროლი რეზინის ტყვია მოხვდა.

ინდონეზიური გაზეთის, Suara-ს, ჟურნალისტს ორივე თვალი დაუზიანდა, თუმცა ექიმები აცხადებენ, რომ ვები მეგა ინდამ მარჯვენა თვალში მხედველობა სამუდამოდ დაკარგა.

ჟურნალისტი აცხადებს, რომ სროლამდე მასთან ერთად მყოფმა სხვა რეპორტიორმა პოლიციას დაუყვირა, არ ესროლა და რომ ისინი ჟურნალისტები იყვნენ.