სოფელ ლამისყანაში ანსამბლ „ქართული ხმების“ კონცერტი გაიმართა

შიდა ქართლის სამხარეო ადმინისტრაციის და Project X Georgia „პროექტი იქსის" ინიციატივით, სოფელ ლამისყანაში, ჯამბაკურ-ორბელიანთა სასახლე მუზეუმში ანსამბლ „ქართული ხმების“ სოლო კონცერტი გაიმართა. აღნიშნულ ინფორმაციას კასპის მუნიციპალიტეტის მერია ავრცელებს.

მათივე ცნობით, კონცერტის მიმდინარეობისას კომპოზიტორ გია ყანჩელის ხსოვნის პატივსაცემად, ანსამბლის მიერ სიმღერა „ჰერიო ბიჭებო“ შესრულდა.

„მაყურებელმა ანსამბლი აპლოდისმენტებით გააცილა და მადლობა გადაუხადა ღონისძიების ორგანიზატორებს“, - ნათქვამია ინფორმაციაში.