ნარკოტიკული საშუალების შეძენა-შენახვა-გასაღებაში ბრალდებულს 7 წლით და 6 თვით თავისუფლების აღკვეთა მიესაჯა

თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და ნარკოტიკული საშუალების უკანონო შეძენა- შენახვა-გასაღებაში (ორი ეპიზოდი), დიდი ოდენობით ნარკოტიკული საშუალების უკანონო შეძენა-შენახვაში და დიდი ოდენობით ფსიქოტროპული საშუალების უკანონო შეძენა- შენახვაში ბრალდებული ე.ი. დამნაშავედ ცნო. ამის შესახებ „ინტერპრესნიუსს“ გენერალური პროკურატურიდან აცნობეს.

მათი ინფორმაციით, სასამართლო პროცესზე გამოკვლეული მტკიცებულებებით დადასტურდა, რომ ე.ი.-მ უკანონოდ შეიძინა და შეინახა 0,027 გრ. და 0,012 გრ. ნარკოტიკული საშუალება „ჰეროინი“. ე.ი.-მ აღნიშნული ნარკოტიკული საშუალებები, 0,027 გრ. 2019 წლის 12 700, ხოლო 0,012 გრ. 13 ივლისს 200 ლარად უკანონოდ გაასაღა, თუმცა პატივისცემის ნიშნად, 30 ლარი მყიდველს დაუბრუნა. სასამართლოში გამოკვლეული მტკიცებულებებით ასევე დადგინდა, რომ ე.ი.-მ უკანონოდ შეიძინა და ინახავდა ნარკოტიკულ და ფსიქოტროპულ საშუალებებს - 0,233 გრ. „ჰეროინ“-ს, 0,0086 გრ. მორფინს (ფუძე), 0.0028 გრ. „კოდეინს“ (ფუძე) წონით 0.0028 გრამს და 2,094 „პრეგაბალინს“.

სამართალდამცველებმა ე.ი. 2019 წლის 30 ივლისს სოფელ ფონიჭალაში დააკავეს. მისი პირადი და საცხოვრებელი სახლის ჩხრეკისას აღმოჩენილი იქნა აღნიშნული ნარკოტიკული და ფსიქოტროპული საშუალებები. ე.ი.-ს ბრალდება სისხლის სამართლის კოდექსის 260-ე მუხლის 1 და მე-4 ნაწილებით, 260-ე მუხლის მე-3 ნაწილის „ა“ ქვეპუნქტით და 261-ე მუხლის მე-3 ნაწილის „ა“ ქვეპუნქტით (ნარკოტიკული საშუალების უკანონო შეძენა-შენახვა-გასაღება (ორი ეპიზოდი), დიდი ოდენობით ნარკოტიკული საშუალების უკანონო შეძენა-შენახვა და დიდი ოდენობით ფსიქოტროპული საშუალების უკანონო შეძენა- შენახვა) წარედგინა და აღკვეთის ღონისძიების სახით პატიმრობა შეეფარდა.

„თბილისის საქალაქო სასამართლომ ე.ი. დამნაშავედ ცნო წარდგენილ ბრალდებაში და სასჯელის სახედ და ზომად 7 წლით და 6 თვით თავისუფლების აღკვეთა განუსაზღვრა”, - აღნიშნულია პროკურატურის მიერ გავრცელებულ ინფორმაციაში.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა