შალვა თადუმაძე - ია კერზაიას საქმეში არ არსებობს მტკიცებულება, რომ გიორგი გახარია იყო ამ დანაშაულში ჩართული, სხვა შემთხვევაში დაიკითხებოდა
ია კერზაიას საქმეში არ არსებობს მტკიცებულება, რომ გიორგი გახარია იყო ამ დანაშაულში ჩართული, სხვა შემთხვევაში დაიკითხებოდა,- ამის შესახებ უზენაესი სასამართლოს მოსამართლეობის კანდიდატმა შალვა თადუმაძემ ია კერზაიას საქმესთან დაკავშირებით ევროპული საქართველოს" წევრის სერგი კაპანაძის კითხვის პასუხად განაცხადა.
იურიდიულ საკითხთა კომიტეტზე სერგი კაპანაძე დაინტერესდა, რატომ არ დაკითხეს გიორგი გახარია მაშინ, როცა არსებობს მტკიცებულებები, რომ მაშინდელი შს მინისტრი იმ დროს ზუგდიდში იმყოფებოდა.
"მე არ მაქვს ინფორმაცია, რომ მტკიცებულებების რაიმე ჯაჭვი არსებობს, რომელიც გიორგი გახარიას დაკითხვის საფუძველს იძლეოდა. ზუგდიდში იმ დროს შეიძლება ბევრი ადამიანი იმყოფებოდა. გახარიას დაკითხვის საფუძველი როცა გაჩნდა, პრობლემა არ ჰქონდა პროკურატურას, გახარია დაეკითხა",- განაცხადა შალვა თადუმაძემ.
სერგი კაპანაძე ასევე დაინტერესდა, რატომ არ ცნეს დაზარალებულად კერზაიას შვილი, როცა ამის შესაძლებლობას საპროცესო კოდექსის 56-ე მუხლი იძლეოდა.
"თუ ვინმეს არ მოწონს პროკურატურის ეს გადაწყვეტილება, შეუძლია გაასაჩივროს",- განაცხადა შალვა თადუმაძემ.
v-if="article.gallery" v-html="article.gallery"
