ყველა კრიტიკულ მედიას, რომელსაც ხელისუფლება ვერ აკონტროლებს აღძრეს საქმეები. ეს ხდება იმიტომ, რომ ადამიანებს თავისუფლებაზე ევაჭრონ, - ამის შესახებ განცხადება "TV პირველის" მფლობელმა ვატო წერეთელმა ჟურნალისტებთან წინასასამართლო სხდომის დაწყებამდე გააკეთა.

ვატო წერეთელის თქმით, ის და მისი ოჯახის წევრები არანაირ დათმობაზე წასვლას არ აპირებენ და თავისუფალი სიტყვის დასაცავად მზად არიან წავიდნენ საპატიმროშიც.

„არავისთან ვაჭრობას არ ვაპირებთ, ვიქნებით მსხვერპლი და წავალთ ციხეში“, - განაცხადა წერეთელმა.

ვატო წერეთლის თქმით, რაზეც არ უნდა წავიდეს ვაჭრობა ის და მისი ოჯახი არ შეიცვლის პოზიციას და ტელევიზია იქნება არსებული სახით დღესაც, ხვალაც და ზეგაც.

შეგახსენებთ, რომ "თიბისი ბანკის" დამფუძნებლების, მამუკა ხაზარაძისა და ბადრი ჯაფარიძის ბრალდების სისხლის სამართლის საქმეზე დღეს წინასასამართლო სხდომა უნდა გაიმართოს. დღევანდელ სხდომაზე მტკიცებულებების დასაშვებობაზე იმსჯელებენ.

იხილეთ ვიდეო: