საკრებულოს იურიდიულ საკითხთა კომისიის თავმჯდომარე  - იმ შემთხვევაში,  თუ  ილია ჯიშკარიანს   სასამართლო  პატიმრობას შეუფარდებს,  მას საკრებულოს  დეპუტატის მანდატი შეუჩერდება

იმ შემთხვევაში, თუ საკრებულოს დეპუტატ ილია ჯიშკარიანს სასამართლო წინასწარ პატიმრობას შეუფარდებს, მას საკრებულოში დეპუტატის მანდატი შეუჩერდება - ამის შესახებ „ინტერპრესნიუსს“ საკრებულოს იურიდიულ საკითხთა კომისიის თავმჯდომარემ ლევან ჟორჟოლიანმა განუცხადა.

„ სტატუსის შეჩერება ხდება მხოლოდ მაშინ, როდესაც საქმე განხილვაშია, მაგრამ პირი იმყოფება წინასწარ პატიმრობაში. იურიდიულ საკითხთა კომისია ამზადებს დასკვნას და წარუდგენს საკრებულოს, საკრებულო უჩერებს უფლებამოსილებას, მაგრამ მხოლოდ და მხოლოდ პატიმრობა არის შეჩერების საფუძველი. რაც შეეხება შეწყვეტას - დეპუტატის მანდატი წყდება მას შემდეგ, რაც კანონიერ ძალაში შევა გამამტყუნებელი განაჩენი და პირი დარჩება, სასამართლოს ყველა ინსტანციის გავლის შემდეგ, პატიმრობაში. თუ პირი დარჩა პატიმრობაში მას შეუწყდება მანდატი. შეჩერებული მანდატის დროს, რა თქმა უნდა, დეპუტატს ხელფასი არ ერიცხება. რაც შეეხება სამაჟორიტარო ოლქს: თუ ილია ჯიშკარიანი სასამართლომ ხვალ პატიმრობაში დატოვა, ისანი ცოტა ხანი დარჩება მაჟორიტარის გარეშე, სანამ გაირკვევა დამნაშავეა თუ არა ის. თუ ბრალი არ დაუმტკიცდა, შეჩერებული სტატუსი მომენტალურად აღუდგება“,- განაცხადა ლევან ჟორჟოლიანმა.

შეგახსენებთ, თბილისის საქალაქო სასამართლო საკრებულოს დეპუტატის ილია ჯიშკარიანის აღკვეთ ღონისძიებაზე 11 ოქტომბერს იმსჯელებს.

საქართველოს გენერალურმა პროკურატურამ თბილისის საქალაქო სასამართლოს საკრებულოს დეპუტატ ილია ჯიშკარიანისთვის აღკვეთის ღონისძიების შეფარდების მოთხოვნით მიმართა. ხვალინდელ პროცესზე ჯიშკარიანის მიმართ აღკვეთი ღონისძიების შეფარდებაზე იმსჯელებენ.

ჯერჯერობით უცნობია, თუ რა ტიპის აღკვეთ ღონისძიებას მოითხოვს პროკურატურა.

შეგახსენებთ, ისნის რაიონის საკრებულოს მაჟორიტარ დეპუტატ ილია ჯიშკარიანს 8 ოქტომბერს, საკრებულოს თანამშრომლის თამთა თოდაძის მიმართ განხორციელებული სექსუალური ხასიათის სხვაგვარი ქმედებისა და ცემის ფაქტზე ბრალი წარუდგინეს.

თედო ჯაფარიძე - არ მგონია, რომ ამერიკის "დასუსტებით" რუსეთმა ან რომელიმე სხვა ქვეყანამ საკუთარი პოზიციები გაიმაგროს
ქართული პრესის მიმოხილვა 05.06.2020
მითები და რეალობა ჰესების შესახებ
ფინკა ბანკისა და სიმბიოტიკსის თანამშრომლობა მეწარმეების დაკრედიტების მიმართულებით გრძელდება
„ეკომარტი“ - ნატურალური და ეკომეგობრული პროდუქტების მრავალფეროვანი ონლაინ მაღაზია გაიხსნა
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით