საქართველოში 6 სკოლას არც ერთი მოსწავლე არ ჰყავს, 4 სკოლაში კი მხოლოდ თითო-თითო ბავშვი სწავლობს

საქართველოში ექვს სკოლას არც ერთი მოსწავლე არ ჰყავს, - დაბალკონტიგენტიანი სკოლების შესახებ ინფორმაცია „ინტერპრესნიუსმა“ განათლების მართვის საინფორმაციო სისტემიდან გამოითხოვა.

ოფიციალური ინფორმაციით, ეს სკოლები ძირითადად მცხეთა-მთიანეთის რეგიონში, წყალტუბოს, ამბროლაურისა და ტყიბულის მუნიციპალიტეტებში მდებარეობს, სადაც „0 ბავშვი ირიცხება“.

უფრო კონკრეტულად, არც ერთი მოსწავლე არ ჰყავს ამბროლაურის მუნიციპალიტეტის სოფელ ხოტევის საჯარო სკოლას, დუშეთის მუნიციპალიტეტის სოფელ ყვავილისა და სოფელ ხანდოს საჯარო სკოლას, თიანეთის მუნიციპალიტეტის სოფელ ჩეკურაანთგორის საჯარო სკოლას, ტყიბულის მუნიციპალიტეტის სოფელ ოჯოლის საჯარო სკოლასა და წყალტუბოს მუნიციპალიტეტის სოფელ მექვენას საჯარო სკოლას.

როგორც განათლების მართვის საინფორმაციო სისტემაში „ინტერნპრესნიუსს“ განუცხადეს, ექვსივე სკოლა ბავშვთა მიმართვიანობის შემთხვევაში, ფუნქციონირებას განაახლებს.

გარდა ამისა, ოფიციალური ინფორმაციით, საქართველოში მდებარეობს 4 სკოლა, სადაც მხოლოდ ერთი მოსწავლე ირიცხება. ეს სკოლებია: ამბროლაურის მუნიციპალიტეტეის სოფელ ნამანევის საჯარო სკოლა, დუშეთის მუნიციპალიტეტის სოფელ კაიშაურების საჯარო სკოლა, ვანის მუნიციპალიტეტის სოფელ ონჯოხეთის საჯარო სკოლა და ცაგერის მუნიციპალიტეტის სოფელ საირმის საჯარო სკოლა.

ასევე, ჯამში 30 მოსწავლე და ნაკლები სწავლობს საქართველოს მასშტაბით 291 საჯარო სკოლაში.

იხილეთ ვიდეო: საქართველოში 6 სკოლას არც ერთი მოსწავლე არ ჰყავს, 4 სკოლაში კი მხოლოდ თითო-თითო ბავშვი სწავლობს

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო