Mastercard ვოლტერებს Wolt-ის აპლიკაციით საკვების შეკვეთისას საჩუქარს სთავაზობს. Mastercard-ით გადახდილ ყოველი მინიმუმ 20 ლარიანი შეკვეთის განთავსებისას, მომხმარებელს მიტანის სერვისის საფასური ვოლტის ანგარიშზე დაუბრუნდება.

აქცია მიზნად ონლაინ გადახდების პოპულარიზაციას ისახავს. Wolt საქართველოს ბაზარზე საკვების მიტანის ერთადერთი სერვისია, რომლის მომსახურების ანაზღაურება მხოლოდ ბარათითაა შესაძლებელი. ამიტომ Mastercard-ის სააქციო შეთავაზება სწორედ ვოლტერებისთვის იქნება ხელმისაწვდომი. ეს Mastercard-ის და Wolt-ის უკვე მეორე ერთობლივი წამახალისებელი აქციაა.

* * *

Wolt საკვების მიტანის ფინური კომპანიაა, რომელიც 2014 წელს, ჰელსინკიში დაარსდა. დღეს, Wolt-ის სერვისით სარგებლობა მსოფლიოს 19 ქვეყანასა და 65-მდე ქალაქშია შესაძლებელი. მათ შორისაა: კოპენჰაგენი, ტალინი, პრაღა, თელ-ავივი, ბუდაპეშტი, თბილისი და ბათუმი.

Wolt-ის მთავარი უპირატესობა საკვების მიტანის სერვისისადმი გამორჩეულ მიდგომაშია – Wolt ცდილობს, ყველა ქალაქში საუკეთესო რესტორნები აღმოაჩინოს და მომხმარებელს, მის მახლობლად მდებარე, რაც შეიძლება მეტი რესტორნიდან შესთავაზოს კერძების მიტანის სწრაფი სერვისი. მოხერხებული აპლიკაცია და გამართული ონლაინ მხარდაჭერა კი, ამ პროცესს მარტივსა და სასიამოვნოს ხდის.

საქართველოში Wolt 2018 წლის მაისში შემოვიდა. დღეს, Wolt-ის აპლიკაციით კერძების გამოძახება თბილისის და ბათუმის 350-ზე მეტი რესტორნიდან არის შესაძლებელი და მისი სერვისით, ყოველდღიურად, ათასობით მომხმარებელი სარგებლობს.

(R)