სუს-ის  განცხადებით, ცხინვალის საოკუპაციო რეჟიმის მიერ გავრცელებული ინფორმაცია, რომ ქართული სადაზვერვო ჯგუფი ე.წ. სამხრეთ ოსეთის ტერიტორიაზე გადასვლას ცდილობდა, დეზინფორმაციაა და სინამდვილეს არ შეესაბამება

სახელმწიფო უსაფრთხოების სამსახურის განცხადებით, ცხინვალის საოკუპაციო რეჟიმის მიერ გავრცელებული ინფორმაცია, რომ ქართული სადაზვერვო ჯგუფი ე.წ. სამხრეთ ოსეთის ტერიტორიაზე გადასვლას ცდილობდა, დეზინფორმაციაა და სინამდვილეს არ შეესაბამება.

„ეს არის აბსოლუტური დეზინფორმაცია და არ შეესაბამება სინამდვილეს“, - განუცხადებს „ინტეპრესნიუსს“ სუს-ში.

ცნობისთვის, ცხინვალის საოკუპაციო რეჟიმის მტკიცებით, ქართული სადაზვერვო ჯგუფი ე.წ. სამხრეთ ოსეთის ტერიტორიაზე გადასვლას ცდილობდა.

„დღეს, დილის 04:00 საათზე, КГБ-ს სასაზღვრო სამსახურის თანამშრომლებმა ქართველ ძალოვანთა სადაზვერვო 4-5 კაციანი ჯგუფის სამხრეთ ოსეთის ტერიტორიაზე შესვლის მცდელობის ფაქტი დააფიქსირეს. აღნიშნული ჯგუფი დასახლებულ პუნქტ ჩორჩანას მაღლობიდან გამოემართა და აპირებდა ფარულად მიახლოებოდა რესპუბლიკის სახელმწიფო საზღვარს დასახლებულ პუნქტ წნელისთან“, - აღნიშნულია ინფორმაციაში.

КГБ-ს მტკიცებით, ქართული ჯგუფი სასიგნალო ბარიერთან მოხვდნენ, რომელმაც მათი ადგილმდებარეობა დააფიქსირა და „აიძულა საქართველოს მიმართულებით დაბრუნებულიყო“.

დე ფაქტო უწყების ინფორმაციით, დღესვე ქართული მხრიდან დაფიქსირდა სოფელ წნელისთან „სახელმწიფო საზღვრის“ მონაკვეთის დაზვერვის მცდელობა კვადროკოპტერის მეშვეობით.

ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ვახტანგ ხმალაძე - როცა ცესკოს მიმართ ნდობა დაბალია, არჩევნების ჩატარება სახიფათო რისკების შემცველია
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ