თურქეთი და ქურთები ერთმანეთს ცეცხლის შეწყვეტის შეთანხმების დარღვევაში ადანაშაულებენ - არის მსხვერპლი

ამერიკის დელეგაციის მონაწილეობით მიღწეული შეთანხმების შემდეგ, ქურთების თავდაცვის რაზმებმა სირიის საზღვრისპირა ზონებში 20-ჯერ დაარღვიეს შეთანხმება უსაფრთხო ზონის შესახებ. ინფორმაციას თურქული მედია ქვეყნის თავდაცვის სამინისტროზე დაყრდნობით ავრცელებს.

უწყების ინფორმაციით, დღეს, ქალაქ ეტ-ტელ-ელ-აბიადის რაიონში ქურთული რაზმების თავდასხმის შედეგად, ერთი თურქი ჯარისკაცი დაიღუპა, ერთი ჯარისკაცი კი დაიჭრა.

ამავდროულად, „სირიის დემოკრატიული ძალების“ ქურთული რაზმები თურქეთის არმიის თავდასხმის შედეგად, 16 მებრძოლის გარდაცვალებისა და სამი დაჭრილის შესახებ იუწყება.

მათივე თქმით, მიღწეული საზავო შეთანხმების მიუხედავად, თურქეთმა რას ელ-აინის რაიონში შეტევა მაინც განახორციელა.

17 ოქტომბერს ცნობილი გახდა, რომ ანკარასა და ვაშინგტონს შორის მიღწეულია შეთანხმება, რომელშიც სირიის ჩრდილო-აღმოსავლეთით საბრძოლო მოქმედებების შეწყვეტისა და უსაფრთხოების ზონის შექმნის შესახებ არის საუბარი.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს