ანრი ოხანაშვილი - მარჩიელობას თავი დავანებოთ, ხაზარაძემ წარადგინოს ე.წ. წერილი, ითანამშრომლოს გამოძიებასთან

მარჩიელობას დავანებოთ თავი, წარადგინოს ე.წ. წერილი, ითანამშრომლოს გამოძიებასთან,-ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებს განუცხადა, რითაც ის საზოგადოებრივი მოძრაობა “ ლელოს” დამფუძნებელ მამუკა ხაზარაძის მიერ “მუქარის წერილის” გასაჯაროების საკითხს გამოეხმაურა. ოხანაშვილის თქმით, წერილის წარდგენის შემდეგ სამართალდამცველი ორგანოების ვალდებულებაა არსებულ შეკითხვებს პასუხი გასცენ.

“წარადგინოს ე.წ. 120 ანაბეჭდიანი წერილი, ითანამშრომლოს გამოძიებასთან. რაც შეეხება კონკრეტულ საგამოძიებო ორგანოებს, მათი ვალდებულებაა, კანონის შესაბამისად იმოქმედონ, დაიცან ყველა სამართლებრივი პროცედურა და გასცენ დასმულ შეკითხვას პასუხი. დაველოდოთ პროცესს, ჯერ წარადგინოს და შემდგომ მოვითხოვოთ კონკრეტულ შეკითხვებზე პასუხი”,-განაცხადა ანრი ოხანაშვილმა.

ცნობისთვის, მამუკა ხაზარაძის ადვოკატები „მუქარის წერილის“ დედანს პროკურატურას დღეს გადასცემენ. მანამდე, ადვოკატები ზვიად კორძაძე და ეკა ეგუტია პრესკონფერენციაზე „მუქარის წერილის“ დედანს მედიას გააცნობენ. პრესკონფერენცია „ზვიად კორძაძის საადვოკატო“ ბიუროში 12:00 საათზე გაიმართება.

იხილეთ ვიდეო

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა