ევროპის საბჭო ახალგაზრდობის სააგენტოს მხარდაჭერას უცხადებს

ახალგაზრდობის სააგენტოს წარმომადგენლობა, სააგენტოს უფროსის რევაზ ჩარკვიანის ხელმძღვანელობით სამუშაო ვიზიტით სტრასბურგში იმყოფებოდა. შეხვედრები ევროპის საბჭოში, ახალგაზრდულ საკითხებზე პასუხისმგებელ პირებთან გაიმართა, სადაც სამომავლო თანამშრომლობის პერსპექტივებზე ისაუბრეს.

როგორც „ინტერპრესნიუსს“ ახალგაზრდობის სააგენტოდან აცნობეს, სააგენტოს წარმომადგენლებმა მონაწილეობა მიიღეს ევროპის საბჭოს ახალგაზრდული სადამკვირვებლო კომიტეტის ყოველწლიური სხდომის მუშაობის პროცესში, რომელზეც დელეგატების ხმათა სრული უმრავლესობით, ახალგაზრდობის სააგენტოს ხელმძღვანელის მოადგილე ქრისტინე კაპანაძე ამავე კომიტეტის სამმართველო ბიუროს წევრად აირჩიეს.

მათივე ინფორმაციით, ევროპის საბჭოს ახალგაზრდული სადამკვირვებლო კომიტეტის გადაწყვეტილებით, საქართველოში შემდეგი სახის ღონისძიებები განხორციელდება: 27-29 ნოემბერს თბილისში, საქართველოს ევროპის საბჭოს პრეზიდიუმის ფარგლებში, ახალგაზრდული საქმიანობის შესაძლებლობების განვითარების საკითხებზე საერთაშორისო კონფერენცია გაიმართება; ევროპის საბჭოს „50/50 ტრენინგ კურსი“ - რაც ითვალისწინებს სამთავრობო და არასამთავრობო ორგანიზაციების წარმომადგენელების 5-დღიან სასწავლო ვიზიტს სტრასბურგში თემაზე - მონაწილეობრივი ახალგაზრდული პოლიტიკის განვითარება. სასწავლო პროგრამა ევროპის საბჭოს მხრიდან დაფინასდება 20 000 ევროს ოდენობით.

„პროექტს განახორციელებს ახალგაზრდობის სააგენტო, საქართველოს ახალგაზრდულ ორგანიზაციათა ნაციონალურ საბჭოსთან ერთად; ექსპერტთა მისია - ევროპის საბჭოს მხარდაჭერით, საქართველოს ექსპერტთა ჯგუფი ესტუმრება, რომელიც სააგენტოს ახალგაზრდული ცენტრების/ახალგაზრდული სივრცეების განვითარების კონცეფციის შემუშავებაში დაეხმარება. პროექტს სრულად აფინანსებს ევროპის საბჭო (10 000 ევროს ოდენობით).

აღსანიშნავია, რომ ახალგაზრდობის სააგენტო მიმდინარე წლის 26 აგვისტოს, საქართველოს მთავრობის გადაწყვეტილებით, საქართველოს განათლების, მეცნიერების, კულტურისა და სპორტის სამინისტროს ახალგაზრდული პოლიტიკის მართვის დეპარტამენტის და ამავე სამინისტროს სსიპების: ბავშვთა და ახალგაზრდობის ეროვნული ცენტრისა და ბავშვთა და ახალგაზრდობის განვითარების ფონდის გაერთიანების შედეგად ჩამოყალიბდა“, - ნათქვამია ინფორმაციაში.

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 30.11.2020
დავით მირცხულავა - ბეტონის გრავიტაციული კაშხლის სეისმური ზემოქმედების გამო დანგრევის პრეცედენტი მსოფლიოში არ ყოფილა, კვლევებიდან გამომდინარე, „ნამახვანი“ მაღალსაიმედოა
ვის ჩაუტარდება კლინიკა „ნიუმედში“ Covid 19-ის სწრაფი ტესტირება, მათ შორის ანტიგენზე დაფუძნებული ტესტით და D-დიმერის კვლევა უფასოდ? - ინტერვიუ კლინიკის დირექტორ ნათია ბულაცაშვილთან
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა
ირმა ინაშვილი - ჩვენ დამოუკიდებლად ვმოქმედებთ და ვაკეთებთ იმას, რასაც სინდისი გვკარნახობს! (R)