„თიბისი ბანკის“ საქმის პროკურორი - საერთაშორისო ექსპერტების დასკვნა  დაერთო საქმის მასალებს, როგორც მოსაზრება და არა მტკიცებულება

სასამართლომ საქმე არსებითად განსახილველად გადასცა, რაც შეეხება საერთაშორისო ექსპერტების დასკვნას, ის დაერთო საქმის მასალებს, როგორც მოსაზრება და არა მტკიცებულება - ამის შესახებ „თიბისი ბანკის“ საქმის პროკურორმა არჩილ ტყეშელაშვილმა ჟურნალისტებს განუცხადა.

მისივე თქმით, დასკვნით დასტურდება, რომ საქმეზე დაწყებული სისხლის სამართლებრივი დევნა შესაბამისობაშია საერთაშორისო პრაქტიკასთან.

„სამართლებრივი ნიუანსია - ეს დოკუმენტი იქნებოდა როგორც მტკიცებულება თუ როგორც მოსაზრება, თუმცა, გიდასტურებთ, რომ მტკიცებულებად არ არის დაშვებული და როგორც მოსაზრება საქმეზე არის დართული. შესაბამისად, სასამართლოს შეეძლება გაეცნოს ამ საერთაშორისო ექსპერტების დასკვნებს. სასამართლომ საქმე გადასცა არსებითად განსახილველად. ეს იმას ნიშნავს, რომ სასამართლომ მიიჩნია, რომ საქმეზე არსებობს მტკიცებულებათა ერთობლიობა, რომელიც ალბათობის მაღალი ხარისხით იძლევა საფუძველს, რომ საქმეზე გამოვა გამამტყუნებელი განაჩენი. ასევე სასამართლომ არ დააკმაყოფილა დაცვის მხარის შუამდგომლობა, რომლითაც ისინი ითხოვდნენ აღკვეთის ღონისძიების შეცვლას“, - განაცხადა პროკურორმა.

არჩილ ტყეშელაშვილმა ასევე განმარტა, რომ ბრალდების მხარის მტკიცებულებებით დასტურდება, რომ მოხდა თაღლითობა.

„რაც შეეხება ბრალდებულების იმ პოზიციას, თითქოს, მათ მხოლოდ ფულის გადარიცხვას ვედავებით, ეს ასე არაა და გიდასტურებთ, რომ საბანკო ოპერაციები თუ ეს ხდება ჩვეულებრივი სახელშეკრულებო ურთიერთობით, არ წარმოადგენს დანაშაულს, მთავარია მას წინ არ უძღოდეს დანაშაული და ეს თანხა არ იყოს უკანონო. ამ შემთხვევაში ბრალდების მხარე შეკრებილი მტკიცებულებებით ვადასტურებთ, რომ თავიდან მოხდა თაღლითობა, ბადრი ჯაფარიძე, მამუკა ხაზარაძე და ავთანდილ წერეთელი მოტყუებით, თაღლითურად დაეუფლნენ ბანკის კუთვნილ თანხებს და ზუსტად ამის შემდეგ მოახდინეს ეს ოპერაციები. საერთაშორისო პრაქტიკითაც თუ თანხა არის დანაშაულებრივი და ამ თანხის მიმართ მოხდება ის ტრანზაქციები, რაც საბოლოოდ განახორციელეს ბრალდებულებმა, ეს წარმოადგენს უკანონო შემოსავლის ლეგალიზაციას და ზუსტად ამაშია დანაშაულის არსი და მნიშვნელობა", - განაცხადა პროკურორმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი