ჰონგ-კონგში ანტისამთავრობო აქციების დასაშლელად პოლიციამ ცრემლსადენი გაზი გამოიყენა
ჰონგ-კონგის მოსახლოება საპროტესტო აქციების გამართვას აგრძელებს. ისინი ქალაქის ცენტრალურ ნაწილში შეიკრიბნენ. პოლიციამ დემონსტრანტები ცრემლსადენი გაზის გამოყენებით დაშალა. ამასთან, ვრცელდება ინფორმაცია რამდენიმე დაშავებულის შესახებ.
მიუხედავად იმისა, რომ ჰონგ-კონგის მთავრობამ პატიმართა ექსტრადირების კანონი უკან 23 ოქტომბერს გაიწვია, მოსახლეობა აქციების გამართვას მაინც აგრძელებს. ისინი ოფიციალური პეკინგისგან ჰონგ-კონგის შიდა საქმეებში ჩაურევლობას მოითხოვენ.
შეგახსენებთ, რომ ჰონგ-კონგში საპროტესტო აქციები მარტში მას შემდეგ დაიწყო, რაც ოფიციალურმა პეკინმა ჰონგ-კონგიდან ჩინეთის დანარჩენ ტერიტორიაზე პატიმართა ექსტრადირების შესახებ კანონი მიიღო. ჰონგ-კონგის სპეციალური ადმინისტრაციული რეგიონი ბრიტანეთის კოლონია იყო და ჩინეთს იმ პირობით გადაეცა, რომ პეკინი მის შიდა საქმეებში არ ჩაერეოდა.
v-if="article.gallery" v-html="article.gallery"
