დიდ ბრიტანეთსა და საქართველოს შორის სტრატეგიული პარტნიორობისა და თანამშრომლობის შესახებ ხელშეკრულების  საკომიტეტო განხილვა დაიწყო

დიდ ბრიტანეთსა და საქართველოს შორის სტრატეგიული პარტნიორობისა და თანამშრომლობის შესახებ ხელშეკრულების საკომიტეტო განხილვები დაიწყო. საკითხი დღეს პარლამენტის თავდაცვისა და უშიშროების კომიტეტზე განიხილეს. კომიტეტის წევრებს ხელშეკრულების შესახებ ინფორმაცია საგარეო საქმეთა მინისტრის მოადგილემ ხათუნა თოთლაძემ მიაწოდა.

"ეს არის ძალიან მნიშვნელოვანი შეთანხმება და ის ძირითადად ეყრდნობა ასოცირების ხელშეკრულების დებულებებს და გამომდინარეობს იმ აუცილებლობიდან, რომ ბრიტანეთის ევროკავშირიდან გასვლის შემდეგ არ დარჩეს გარკვეული ვაკუუმი საქართველოსთან ურთიერთობის მიმართულებით. ეს არის ყოვლისმომცველი შეთანხმება და მოიცავს როგორც ეკონომიკურ, ასევე პოლიტიკურ განზომილებას. შესაბამისად, მნიშვნელოვანია საქართველომ დროულად დაასრულოს ამ ხელშეკრულების ძალაში შესვლისთვის საჭირო პროცედურები,"- განაცხადა ხათუნა თოთლაძემ.

შეგახსენებთ, რომ დიდ ბრიტანეთსა და საქართველოს შორის სტრატეგიული პარტნიორობისა და თანამშრომლობის შესახებ ხელშეკრულებას 21 ოქტომბერს, ლონდონში მოეწერა ხელი.

რამაზ საყვარელიძე  - თუ ოპოზიცია მომავალშიც აპირებს არჩევნებში მონაწილეობას, ახლაც უნდა შევიდეს პარლამენტში, თუ არც მომავალში მიიღებს მონაწილეობას არჩევნებში, წასულა პოლიტიკიდან და ეგაა
ქართული პრესის მიმოხილვა 23.11.2020
ჰუბერტ ქნირში - პარტიებს სულ უფრო ნაკლებად შეუძლიათ ერთმანეთთან საუბარი და ამ განვითარებაში  სხვადასხვა პიროვნებას სხვადასხვა წვლილი მიუძღვის
"სილქ როუდ ჯგუფის" განცხადება "საქანელას" პროექტის შესახებ
PSP „მადლიერების კვირეულს“ კოსმეტიკურ პროდუქციაზე 50%-იანი ფასდაკლებით აღნიშნავს