მარტვილის წმინდა ნინოს სახელობის ტაძრის წინამძღვარი იღუმენია თამარ გამყრელიძე აღარ არის. ამის შესახებ მან ჟურნალისტებს დღეს განუცხადა. მისი თქმით, ტაძრის წინამძღვრად დედაოებმა ერთხმად მონაზონი სოსანა ბოლქვაძე აირჩიეს.
იღუმენია თამარის თქმით, ის წავა იქ, სადაც იქნება ყოფილი მიტროპოლიტი პეტრე ცაავა.
"ვტოვებ ეპარქიას, მივყვები ჩემს სულიერ მოძღვარს. მე პირადად დავტოვე წმინდა ნინოს სახელობის ტაძრის წინამძღოლობა. მე დედებს ვთხოვე, მონასტერი ჩვენი აშენებულია და არ უნდა მივატოვოთ. ის არის ჩვენი სახლი. წინამძღვარს, რომელიც მონაწილეობდა ამ უკანონო გადაწყვეტილებაში, ვერანაირად ვერ მივიღებთ. ჩემი მონასტრიდან არც ერთი მონაზონი არ მიიღებს მონაწილეობას წირვა- ლოცვაში",- ამბობს იღუმენია თამარი.
მონაზონი სოსანა ბოლქვაძის თქმით, რომელიც წმინდა ნინოს სახელობის ტაძრის წინამძღვრად აირჩიეს, ამბობს, რომ მონაზვნები მეუფე გრიგოლის წირვას არ დაესწრებიან.