საფრანგეთში, ათი ათასობით ადამიანი ელექტროენერგიის გარეშე დარჩა. ამის მიზეზი შტორმი „ამელი“ გახდა, რომელმაც ქვეყნის სამხრეთ რეგიონებში ძლიერი ქარი და წვიმა გამოიწვია.
„ბიბისის“ ცნობით, ზოგიერთ რეგიონში, ქარის სიჩქარე 163კმ/სთ-ს აღემატებოდა.
უსაფრთხოების სამსახურები მთელი ქვეყნის მასშტაბით საგანგებო რეჟიმში მუშაობენ. სტიქიის შედეგად წაქცეულია ხეები და გაწყვეტილია ელექტროსადენები.
ინფორმაცია გარდაცვლილთა შესახებ არ ვრცელდება, თუმცა, როგორც ცნობილია, მიმდინარეობს ერთი ასაკოვანი ქალის სამძებრო სამუშაოები.