სოფო კილაძე მეუფე იაკობის განცხადებებზე - კაცმა შენდობა ითხოვა ამასთან დაკავშირებით - ყველა აბსურდულ ბრალდებაზე პროკურატურამ გამოძიება რომ დაიწყოს, უწყების პარალიზება მოხდება

კაცმა შენდობა ითხოვა ამასთან დაკავშირებით. ყველა აბსურდულ ბრალდებაზე რომ დაიწყოს პროკურატურამ გამოძიება,პროკურატურის პარალიზება მოხდება,- ასე პასუხობს ადამიანის უფლებათა კომიტეტის თავმჯდომარე სოფო კილაძე ჟურნალისტების კითხვას, უნდა დაიწყოს თუ არა პროკურატურამ გამოძიება მეუფე იაკობის განცხადებებზე.

როგორც სოფო კილაძე ამბობს, აბსურდული ბრალდებების წამოყენების საშუალებას სიტყვის თავისუფლება იძლევა.

მანვე ისაუბრა „ევროპული საქართველოსა“ და „ნაციონალური მოძრაობის“ მიერ პარლამენტში საგამოძიებო კომისიის შექმნის მოთხოვნის თაობაზე და აღნიშნა, რომ ყველა ბრალდებაზე საგამოძიებო კომისიის შექმნა პარლამენტის პარალიზებას გამოიწვევს.

„რა ახალი სახელიც არ უნდა დაირქვან „ნაციონალური მოძრაობის“ სხვადასხვა განშტოებებმა, ძველებმა და ახლებმა, ისინი ფაქტობრივად გვთავაზობენ საქართველოს პარლამენტის გადაქცევას პროკურატურად. ეს არის პირდაპირი წინააღმდეგობა კონსტიტუციასთან და გასაგებია მათი ინტერესი, რომ ყველანაირად ცდილობენ არიონ ამ ქვეყანაში სიტუაცია. როცა ჩავთვალეთ საჭიროდ და იყო კითხვის ნიშნები, შევქმენით საგამოძიებო კომისია ხორავას ქუჩის საქმეზე. ყველა კვირაში ახალ საგამოძიებო კომისიას, რასაც გვთავაზობს „ნაციონალური მოძრაობის“ ძველი და ახალი განშტოებები, ვერ შევქმნით, რადგან ეს არის არასერიოზული. მაშინ პარლამენტის პარალიზება უნდა მოვახდინოთ და ვთქვათ, რომ საქართველოს პარლამენტი არის პროკურატურა და ასრულებს პროკურატურის ფუნქციებს“, - განაცხადა სოფო კილაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს