ავიაკომპანია Lufthansa-ს ბორტგამცილებლები 48-საათიან გაფიცვას აპირებენ. ამ ინფორმაციას „როიტერსი“ ავრცელებს. გერმანიაში ბორტგამცილებელთა პროფკავშირმა თავის წევრებს 7 და 8 ნოემბერს გაფიცვისკენ მოუწოდა.
ამასთან, 8 ნოემბერს ფრანკფურტის აეროპორტთან ახლოს, სადაც Lufthansa-ს ოფისი მდებარეობს, ბორტგამცილებლები საპროტესტო აქციის გამართვას აპირებენ. პროფკავშირები ავიაკომპანიისგან უკეთეს სამუშაო პირობებსა და ანაზღაურების გაზრდას ითხოვენ.
შეგახსენებთ, რომ Lufthansa-ს თანამშრომლები 20 ოქტომბერსაც გაიფიცნენ, რის გამოც ასზე მეტი ავიარეისი გადაიდო. მიუხედავად გაფიცვისა, კომპანიის წარმომადგენლებმა განაცხადეს, რომ თანამშრომლებისთვის ხელფასების გაზრდას ამ მომენტისთვის არ გეგმავენ.