„თიბისი“ კომპანია ანაგთან თანამშრომლობას დეველოპმენტის მიმართულებით აგრძელებს

„თიბისი“ კომპანია „ანაგთან“ დეველოპმენტის მიმართულებით თანამშრომლობას აგრძელებს. „თიბისის“ ინფორმაციით, „ანაგი დეველოპმენტი“ 30- წლიანი ისტორიის მქონე უმსხვილესი სამშენებლო კომპანია „ანაგის“ ახალი მიმართულებაა.

მათივე ცნობით, Park Home „ანაგი დეველოპმენტის“ პირველი საცხოვრებელი კომპლექსია ყველაზე დიდი საკუთარი 8000 კვ.მ სარეკრეაციო სივრცით ვაკეში. კომპლექსის ინფრასტრუქტურა მოიცავს შიდა ეზოს, გამწვანებულ ტერასებს, საბავშვო და სპორტულ მოედნებს, 25 მეტრიან აუზს, ფიტნეს დარბაზს, პარკინგს და ლობის კონსიერჟის მომსახურებით.

„ანაგი დეველოპმენტის“ პრიორიტეტი არ არის რაოდენობა და მასშტაბი. კომპანიის მიზანია თქვას ახალი სიტყვა დეველოპმენტში პროექტების ხარისხით და გამორჩეული კონცეფციით, რაც გულისხმობს საკუთარ სარეკრეაციო სივრცეს, ჯანსაღი ცხოვრებისთვის აუცილებელ ინფრასტრუქტურას და უსაფრთხოების უმაღლესი სტადარტით აღჭურვილ საცხოვრებელ გარემოს.

2019 წლის ნოემბერში, თიბისის იპოთეკურ ცენტრსა და „ანაგი დეველოპმენტს“ შორის გაფორმდა მემორანდუმი, რაც ახალ საცხოვრებელ კომპლექსში თიბისის მომხმარებლებისთვის ბინის შეძენას გამარტივებული პროცესით გულისხმობს.

ცნობისთვის, კომპანია „ანაგი“ 30 წლის წინ დაარსდა და სულ მალე ქვეყნის სამშენებლო სექტორის ლიდერის პოზიცია დაიკავა. დღეისათვის კომპანიაში დასაქმებულია 1500-ზე მეტი ადამიანი. „ანაგის“ და „თიბისის“ თანამშრომლობა 2017 წელს დაიწყო, რომლის ფარგლებშიც 11-მდე ერთობლივი პროექტი განხორციელდა. ბანკისთვის სამშენებლო სექტორი ერთ-ერთი პრიორიტეტული მიმართულებაა. „თიბისის“ ჯამური ინვესტიცია, როგორც სამშენებლო ასევე დეველოპერულ სექტორში, ბოლო ერთი წლის მანძილზე 132 მილიონ ლარს აჭარბებს“, - ნათქვამია ინფორმაციაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს