მოძრაობა „ლელო“ - ნათელია, რომ „ქართული ოცნებისთვის“ 7 ნოემბერი არ არის ღირებულებითი მოვლენა და ის მხოლოდ ყოფილი ხელისუფლების კრიტიკის შესაძლებლობაა

გვახსოვს 7 ნოემბერი და სოლიდარობას ვუცხადებთ ამ დღის ყველა დაზარალებულს, - ამის შესახებ მოძრაობა „ლელოს“ განცხადებაშია ნათქვამი.

განცხადებაში, რომელიც მოძრაობა „ლელოს“ ფეისბუქის ოფიციალურ გვერდზე გავრცელდა, ნათქვამია, რომ სწორედ 7 ნოემბერი გახდა მნიშვნელოვანი წყალგამყოფი ყოფილ ხელისუფლებასა და საზოგადოებას შორის.

„სამწუხაროდ, მას შემდეგ შეიცვალა მხოლოდ ხელისუფლება და უცვლელი დარჩა სისტემა. დღეს უკვე ნათელია, რომ „ქართული ოცნებისთვის“ 7 ნოემბერი არ არის ღირებულებითი მოვლენა და ის მხოლოდ ყოფილი ხელისუფლების კრიტიკის შესაძლებლობაა. სამწუხაროდ, ძალადობრივი სისტემა არ დანგრეულა. ამის ყველაზე ცხადი გამოხატულება 20-21 ივნისის მოვლენებია, რამაც წარუშლელი კვალი დატოვა ადამიანების ჯანმრთელობასა და ღირსებაზე. ჩვენი მთავარი გამოწვევების რიცხვში კვლავ დგას ძალადობრივი სამართალდამცავი სისტემა, მიკერძოებული მართლმსაჯულება, უპასუხისმგებლო და არაანგარიშვალდებული ხელისუფლება. ამ მოცემულობაში ჩვენ კარგად ვიაზრებთ, რომ 2020 წელს ჩვენი მიზანი არამხოლოდ არსებული ხელისუფლების შეცვლა, არამედ სისტემური ცვლილებების განხორციელებაა. ქვეყნის მშვიდობიანი განვითარება და ეკონომიკური წინსვლა მიუღწეველ ამოცანად დარჩება, თუ არ მოხდება სამართალდამცავი და სასამართლო სისტემის სრული რეფორმირება.

ჩვენ ერთად შევცვლით ამ მოცემულობას იმისათვის, რომ 7 ნოემბრის მსგავსი მოვლენები აღარასდროს განმეორდეს“, - ნათქვამია „ლელოს“ განცხადებაში.

ზვიად კირტავა - მთავარი მიზანი მაინც არის ინფიცირების ჯაჭვის გაწყვეტა და შემთხვევების შემცირება, ამის მიღწევის გარეშე საწოლების და პერსონალის კიდევ გაზრდაც ვერ აგვაცილებს ჯანდაცვის სისტემის გადატვირთვას
ქართული პრესის მიმოხილვა 04.12.2020
ვანო მაჭავარიანი - თუ ხელისუფლება და ოპოზიცია კოალიციური მმართველობის რაღაც ფორმაზე არ შეთანხმდნენ, ეს საქართველოსთვის უკეთესი პერსპექტივის ხელიდან გაშვებული შესაძლებლობა იქნება
საახალწლო შეთავაზება მრავალფუნქციური კომპლექსისგან "მოედანი"
ზოომარტი ექსკლუზიურად Wolt-ზე
თანამედროვე, მარტივი და უსაფრთხო ახალი ინტერნეტბანკინგი "პროკრედიტ ბანკის" მომხმარებლებისთვის