საპატრულო პოლიციის უფროსი - ამ ეტაპისთვის თბილისში არსებულ ყველა კინოთეატრში ფილმის ჩვენება მშვიდ ვითარებაში მიმდინარეობს
„ამ ეტაპისთვის თბილისში არსებულ ყველა კინოთეატრში ფილმის ჩვენება მშვიდ ვითარებაში მიმდინარეობს,“ - ამის შესახებ საპატრულო პოლიციის დეპარტამენტის უფროსმა ვაჟა სირაძემ ჟურნალისტებს განუცხადა. მისი თქმით, პოლიცია ყველა კინოთეატრის მიმდებარე ტერიტორიაზე რჩება და საზოგადოებრივი წესრიგის დაცვას აგრძელებს.
„ამ ეტაპისთვის თბილისში არსებულ ყველა კინოთეატრში დაწყებულია სეანსი. კინოჩვენება მიმდინარეობს მშვიდ ვითარებაში. პოლიცია კვლავ რჩება ყველა კინოთეატრის მიმდებარე ტერიტორიაზე და აგრძელებს საზოგადოებრივი წესრიგისა და უსაფრთხოების დაცვას. ასევე გავაგრძელებთ მეორე სეანსზეც და დარღვევებზე ვიმოქმედებთ ადეკვატურად. აქციის მონაწილეებს მოვუწოდებ, დაემორჩილონ პოლიციის კანონიერ მოთხოვნას,“ - განაცხადა ვაჟა სირაძემ.
