ერაყში საპროტესტო აქციებს კიდევ 5 ადამიანის სიცოცხლე ემსხვერპლა

ერაყში, სამართალდამცველებსა და მომიტინგეებს შორის მომხდარ შეტაკებას გუშინ 5 ადამიანის სიცოცხლე ემსხვერპლა, დაშავებულია 140-ზე მეტი დემონსტრანტი, - ამის შესახებ ინფორმაციას „როიტერსი“ ავრცელებს.

მათივე ინფორმაციით, ერაყის უსაფრთხოების ძალების წარმომადგენლებმა საპროტესტო აქციების მონაწილეთა წინააღმდეგ, რომლებიც მნიშვნელოვანი ხიდებისა და ტაჰრირის მოედნის დაკავებას ცდილობდნენ, ცრემლსადენი გაზი და ხმოვანი ყუმბარები გამოიყენეს. დემონსტრანტებმა კი მათ ე.წ. „მოლოტოვის კოქტეილები“ და ხელნაკეთი ბომბები დაუშინეს.

ერაყის პრემიერ- მინისტრმა ადელ აბდულ მაჰდიმ განაცხადა, რომ პოლიტიკურმა პარტიებმა ქვეყნის მართვის დროს შეცდომები დაუშვეს. მან პოლიტიკური ცვლილებების განხორციელების მიზნით მიმდინარე საპროტესტო აქციების ლეგიტიმურობა აღიარა და მოსახლეობას საარჩევნო რეფორმის გატარების პირობა მისცა.

შეგახსენებთ, მასობრივი ანტი-სამთავრობო საპროტესტო აქციები ბაღდადში 1 ოქტომბერს დაიწყო. ბოლო მონაცემებით, სამართალდამცველებთან შეტაკებას დღემდე 280 ადამიანის სიცოცხლე ემსხვერპლა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა