2025 წლის 21-25 ივლისს ევექსში საერთაშორისო მასერტიფიცირებელი ორგანოს TUV Austria მიერ ჩატარდა საზედამხედველო აუდიტი, რომლის მიზანი იყო კომპანიის მიერ ხარისხის მართვის სისტემის — ISO 9001:2015-ის — შესაბამისობის შეფასება.

ISO 9001:2015 წარმოადგენს საერთაშორისო სტანდარტს, რომელიც ორგანიზაციებისათვის ხარისხის მართვის სისტემის ჩამოყალიბებისა და უწყვეტი გაუმჯობესების საფუძველს ქმნის. ამ სტანდარტის მიზანია მომხმარებლის კმაყოფილების ამაღლება, პროცესების ეფექტიანობის გაუმჯობესება, ორგანიზაციული გამჭვირვალობის უზრუნველყოფა და პაციენტების და თანამშრომლების უსაფრთხოებაზე ზრუნვა.

აუდიტის შედეგად დადასტურდა, რომ ევექსის საქმიანობა სრულ შესაბამისობაშია ISO 9001:2015-ის მოთხოვნებთან. შეფასდა, რომ ორგანიზაციის შიდა მენეჯმენტისა და ხარისხის უზრუნველყოფის სისტემები ეფექტურად მუშაობს, რაც ასახულია როგორც კლინიკური ხარისხის მუდმივ გაუმჯობესებაში, ისე ორგანიზაციული პროცესების გამჭვირვალობასა და ანგარიშვალდებულებაში.

შესაბამისად, ევექსმა წარმატებით შეინარჩუნა 2024 წლის შემოდგომაზე მოპოვებული სერტიფიცირების სტატუსი, რაც კიდევ ერთხელ ადასტურებს ორგანიზაციის ერთგულებას ხარისხის, ეფექტურობისა და საერთაშორისო სტანდარტების მიმართ.

აღსანიშნავია, რომ ISO სერტიფიცირება მხოლოდ ფორმალური პროცედურა არ არის — ის სისტემური მიდგომაა მუდმივი განვითარებისთვის. ორგანიზაციისთვის ეს ნიშნავს ყოველდღიურ მზაობას თვითშეფასებისა და პროცესების ანალიზისთვის, თანამშრომლების ჩართულობის გაძლიერებას და მომხმარებელზე ორიენტირებული კულტურის განვითარებას.

აღნიშნული შედეგი კიდევ ერთი დასტურია იმისა, რომ ევექსი თანმიმდევრულად აგრძელებს განვითარებას, ინარჩუნებს ლიდერობას პირველადი ჯანდაცვის სექტორში და ნერგავს საერთაშორისო სტანდარტებს, რითაც თავისი წვლილი შეაქვს ქვეყნის სამედიცინო ეკოსისტემის გაუმჯობესებაში

(R)