ამერიკის საელჩოსთან კომპანია „ფრონტერა ისტერნ ჯორჯიაში" დასაქმებული პირები აქციას მართავენ. ისინი ამერიკულ-ქართული ნავთობკომპანიისგან 10 თვის დავალიანების გადახდას ითხოვენ.

მათივე განცხადებით, კომპანია ნავთობის მოპოვებას, ბურღვას, დატვირთვასა და გაყიდვას ჩვეულ რეჟიმში ახორციელებს და მძიმე მრეწველობაში მომუშავეებს ჯანმრთელობის პოლისის გარეშე, ექსტრემალურ პირობებში უწევთ მუშაობა.

„ვაპროტესტებთ იმას, რომ 4 წლის განმავლობაში დაგროვდა 10 თვის დავალიანება, რომელიც ჩვენ არ აგვიღია. ვითხოვთ ჩვენი ხელფასის ანაზღაურებას, რომლის გამოც ჩვენ ვიშრომეთ, ვიმუშავეთ და დღემდე არ მიგვიღია. აქ მდგომი ყველა ადამიანი არის ამ კომპანიის თანამშრომელი და ყოველივე მათგანს იგივე პრობლემა აქვს“, - განაცხადა აქციის მონაწილე ივერი წიკლაურმა.

საელჩოს მიმდებარე ტერიტორიიდან აქციის მონაწილეები მთავრობის ადმინისტრაციასთან გადაინაცვლებენ.