ხვალ უმრავლესობის სხდომა გაიმართება. როგორც ჟურნალისტებს უმრავლესობის წევრმა აკაკი ზოიძემ განუცხადა, განხილვის მთავარი თემა საარჩევნო სისტემასთან დაკავშირებით საკონსტიტუციო ცვლილებები იქნება.

მისივე განცხადებით, უმრავლესობის სხდომა ხვალ დილიდან ჩატარდება.

“რაღაც კითხვები დაისვა დღეს. მესმის ჩემი კოლეგების, კითხვებს სვამენ, იმიტომ, რომ ძალიან ხშირ შემთხვევაში, ეს გადაწყვეტილება თითქოს მოწოდებულია, რომ ზეწოლის ქვეშ გავაკეთეთ და ლანძღვა - გინების მეტი არაფერი ისმის, განსაკუთრებით მაჟორიტარი დეპუტატების მიმართ. ამან გამოიწვია გარკვეული კითხვები ჩვენს კოლეგებში, რადგან ისინი თვლიან, რომ რეგიონალური წარმომადგენლობის გარეშე შესაძლოა, გარკვეულ რისკებთან იყოს დაკავშირებული სიტუაცია. ეს ყოველთვის იყო, ჩვენ მაშინ მივაღწიეთ კომპრომისს და დიდი იმედი მაქვს , რომ ხვალაც იგივეს მივაღწევთ და უმრავლესობა დაუჭერს მხარს პროპორციულ სისტემაზე გადასვლას”,-განაცხადა ზოიძემ.